Accessibility links

якшәмбе, 11 декабрь 2016, Казан вакыты 03:26

Ğiraqtağı Britan totığı Kenneth Bigley''nıñ yazmışı bilgesez qala


Internettağı islam säxifäläreneñ berse, Ğiraqtağı britan totığı Kenneth Bigley üterelde, dip yazıp çıqtı. Bu mäğlümat äle raslanmağan. Bu xäbär internetta basılğançı berniçä säğat qala – Ğiraqta Britaniäneñ möselman din ähelläre bulıp Bigley''nı azat itü tırışlıqların kürde. Kuwaytqa kilgäç tä Möselman Şurası wäkilläre citäkçese Daud Abdullah, Ğiraqta möselman citäkçeläre belän oçraşırğa ömet itüen belderde. (audio) "Bez, Bigley isänder, dip ömetlänäbez. häm bez anı yäşerep totqan keşelärgä nindi dä bulsa tä''sir yasıy alırbız, dip ışanabız," dide Daud Abdullah.

Bigley''nıñ tuğan şähäre Liverpoolda bu könnärdä xristiannar häm möselmannar anıñ isänlege öçen doğa qıldı. Soñğı könnärdä anıñ ğailäse – ulı, bertuğannarı, Bangkoktağı xatını häm Liverpool''da yäşägän 86 yäşlek änise – barısı da anı azat itüne sorap möräcäğätlär yasadı.

Bağdadtağı Britaniä ilçelege 50 meñgä yaqın uram qağäzer tarattı. Anda ğadi ğiraqlılarğa – Bigleyğa yardäm itü öçen möräcäğät itelgän. Şulay bügen Bağdadtnıñ töp gazetınıñ berençe bitendä – Bigley ğailäseneñ yardäm sorap yazğan xatı urın alğan.

Bigley üze çärşämbedä birle mäğlümat çaralarında kürenmi. Çärşämbe könne internet säxifäse aşa Britaniä premyer-ministrı Tony Blair''ğa möräcäğät itep, törmälärdäge ğiraq xatın-qızların irekkä çığarunı sorağan ide. (audio) "Zinhar miña yardäm itegez. ğiraqlılarnıñ küpme cafa çikkännären añladım. analarsız qalğan balalar. bu ğadel tügel. balağa äni keşe kiräk. Ana keşene törmädä utırtunıñ ber mäğnäse dä yuq. Analarğa balaları yanına qaytırğa mömkinlek biregez," dip belderde britan totığı.

Ämma Amerika Quşma Ştatları häm Britan xökümätläre totıq aluçılar belän söyläşülär bulmayaçaq, dip cawap birde. Ğiraq xökümäte isä – başta qayber xatın-qızlarnı törmädän çığarıp bulır, dip beldersä, xäzer monı kire qağa.

Alsu Qormaş
XS
SM
MD
LG