Accessibility links

сишәмбе, 6 декабрь 2016, Казан вакыты 11:12

Qatnaş nikaxqa ike qaraş


Qatnaş nikaxlar berkemne dä bitaraf qaldırmıy. İl başlıqlarınnan başlap ğadi xalıq ta, yäşlär, studentlar bu turıda uylana borçıla.Küptän tügel “Эхо Москвы” radiosı äñgämäsendä Tatarstan prezidentı Mintimer Şäymiyevkä qatnaş nikax turında soraw birelde. Gölnara isemle tatar qızı rus yegetenä kiäwgä çığarğa teli, läkin äti – äniläre röxsät itmilär. Bu sorawğa Mintimer Şäymiev berençe çiratta yaratu häm mäxäbbätkä tayanırğa kiräk dip cawap birde. Küp millätle respublikanıñ citäkçese Böten Rusiä kanalı aşa başqaça cawap birä almıy. Prezidentnıñ bu süzennän soñ tatar yäşläre üz milläteñnän bigräk başqa millättän kiäw, käläş ezli başlamasmı. Ägär inde ğailädä millätkä, dingä sıltaw itep nizağlar çığa ikän, monda berniçek tä prezidentnı ğäyeplärgä kiräkmi. Ansı yäşlärneñ üzlärennän tora. İñ möhime ike millät wäkileneñ dä ber-bersen xörmät itüe häm ğailädä milli tigezlek saqlaw. Älbättä här keşeneñ üz fikere, üz qaraşı bulırğa tieş. Ayıruça student çorında. Bu çorda uylar fikerlär qaynağan waqıt. Şuña da yegetlär-qızlardan qızıqlı qaraşlar çağıla. KDUnıñ tatar jurnalistikası bülege talibäse Güzäl Ziatdinovanıñ qatnaş nikaxqa qağılışlı yazmasın tıñlarğa täqdim itäm.

Qazan studentları menä şulay uylıy. Çınnan da, ägär min tatar awılında üskän awıl yegete şähärgä kilep rus qızına ğaşıyk bulsam , öyläner idemme? Ägär dä ğailädä milli, tel tigezlege bulsa, min qarşı tügel. Ämma qatnaş ğailädä ike telneñ tigez yäşäwe bik siräk oçrıy. Min ike milli tamırnı, ike mädäniätne, ike telne— yaxşı belgän qatnaş ğailä balaların üz küzlärem belän xäzergä kürgänem yuq!

Röstäm İsxakov,Qazan.

XS
SM
MD
LG