Accessibility links

шимбә, 3 декабрь 2016, Казан вакыты 07:39

Awıl yäşläre reformalarğa şiklänep qarıy


Şuşı könnärdä, Mamadışta «Awıl yäşläre forumı» ütte.

Awıl yäşläre şähärneke, yegetlärdän, qızlardan närsä belän ayırıla, beläsezme? Tışqı qiäfäte belän ayırılmıy, ämma tormışları, sotsial kön-küreşe awırraq, mömkinlekläre azraq. Awıl yäşläre forumında menä şuşılar xaqında söyläşü bulğan. Mamadış rayonı üzägendä Saba, Balıq Bistäse, Kama Tamağı, Çirmeşän, Aqsubaydan barlığı 250 yäş belgeç cıyılğan. Alar Qazannan kilgän qunaqlarğa, yäşlär eşläre, awıl xucalığı, mäğärif ministrlıqları wäkillärenä, Duma häm Tatarstan Däwlär Şurası deputatlarına sorawlar yawdırıp, xakimiät wäkillärennän cawap alırğa telägän. Bu forum turında, oyıştıruçılarnıñ berse, «Tatarstan -yaña ğasır» xäräkäte äğzäse Albina Salixova söyläde. Ul äytkänçä, yäşlär säyäsät belän qızıqsınmıy, citdi äyberlär turında uylanmıy, digän fiker döres tügel. Çönki sorawlar quyılışında, problemalarnı añlaw häm borçunı sizgän ul. Mäsälän, yäşlär Rusiä Prezidentı Vladimir Putinnıñ töbäk başlıqların bilgeläp quyu turındağı täqdimnäre turında sorawlar birgän. Mäskäwdän quyılğan keşe, cirle xalıqnıñ mänfäğätlären añlar, dip kem garantiä bire ala, dip qızıqsınğan. Suverenitet mäs’äläseneñ onıtıluı da yäşlärne borçıy. Cirle idärä kebek küreneşkä dä, yäşlär şiklänep qarıy, çönki awıldağı xälneñ yaxşıruına ışanmıy alar.

Cıyılışta bulğan investor wäkile, «Qızıl Şärıq» şirkäte räise urınbasarı da, awıl yegetläre häm qızlarınıñ küpsanlı sorawlarına cawap birergä mäcbür bulğan.

Yäşlär forumnıñ räsmi öleşe betkäç, icadi bäyge ütkärgän. Tormışları niçek kenä awır bulmasa da, alar säxnädän torıp, tuğan yaqların yaratuları turında çığışlar yasağan, cırlar cırlağan. İcadi bäygedä Saba komandası berençe urın alğan, ikençe häm öçençe urınnı Mamadış häm Balıq bistäse rayon yäşläre yawlağan.

Bikä Timerova.

XS
SM
MD
LG