Accessibility links

шимбә, 3 декабрь 2016, Казан вакыты 01:22

Möşärräf paqstanlı äl-Qaidä äğzası üterelüen xuplıy


Paqstan prezidentı general Pärwäz Möşärräf paqstanlı äl Qaidä äğzasınıñ üterelüe turındağı xäbärgä xuplaw belderde:

AUDİO: Bez terror qurqınıçınıñ iñ zur çığanaqlarınnan bersen yuq ittek. Ul miña qarşı höcümnärdä genä tügel, başqa urınnardağı, ilebezneñ başqa öleşlärdäge höcümnärdä qatnaşqan keşe. Şuña kürä, bik zur terrorçı yuq itelde.

Uzğan yäkşämbedä Paqstan iminlek köçläre ilneñ könyağındağı Näwäb-şah şähärendä Amcäd Xösäin Faruqinı atıp üterde. Faruqi uzğan dikäber ayında Möşärräfkä qarşı ike höcüm oyıştıruda ğäyeplände. Ul höcümnärneñ ikese dä uñışsız tämamlandı. Faruqi şulay uq 2002-nçe yılda Amerikan jurnalistı Daniel Pearlnı üterügä häm şul uq yılda Karaçidağı Amerikan konsullığın şartlatuğa bäyle räweştä ğäyeplänä. Möşärräf Faruqinıñ ülemenä kitergän bu operatsiä barışında berniçä keşe qulğa alındı häm Paqstan iminlek köçläre yaña qulğa alularğa häm yuq itülärgä kiterüçe küp kenä faydalı mäğlümätlär alaçaq dide.

XS
SM
MD
LG