Yuğarı uqu yortlarınıñ ölkän kurs studentları bu aylarda üzlären berniçä yıl elek saylap alğan belgeçlekkä turı kilülären tikşerä dip äytsäk däres bulır. Öç—durt yıl belgeçlekläre buyınça belem tuplasa, xäzer alar ul belemnären praktikada tikşerä. Udmurt däwlät universitetı studentları arasında tatar tele häm ädäbiät uqıtuçısı bulırğa niätläp kilgän qızlar da bar. Bişençe kurs studentları bügen mäktäplärdä uquçılar belän aralaşa. Berniçä qız İjaw şähäreneñ 10—nçı sanlı mäktäbendä tuğan telebezneñ neçkäleklären balalarğa añlata. Eşläre niçegräk bara soñ. Därestän soñ Räzinä Xucinadan qızıqsındım. (audio) «Balalar belän eşlärgä ciñel tügel. Alar ana tele däresläre belän bik qızıqsınmıy. Studentlar däreslärendä dä tıñlap utırırğa teläkläre yuq. Awıldağı balalar kebek telne dä yaxşı belmilär, şuña däres alıp barırğa awır. Kiläçäktä Ägerce rayonında berär mäktäptä tatar tele uqıtırğa niätem bar. …»
Qızlarnıñ äle mäktäptä balalar belän eşlärgä teläkläre bar. Ämmä alar tatar möxitendä üskän balalar belän aralaşırğa niätli. Älbättä, qatnaş ğailädä tuıp, şähärdä törle millät balaları belän rus telendä söyläşep üsüçelär belän däres alıp baruı qıyın. Studentlar moña töşengän. Bu balalarğa tatar tarixı, mädäniäte, sänğäte turında mawıqtırırlıq itep söylärgä belem dä, teläk tä, küp tırışlıq ta kiräk bulaçaq. Monı da qızlar yaxşı añlıy. Ä menä bu eşne başqarırğa aşqınmıy. Döres, kiläçäktä mäktäptä eşlärgä niätläre yuq tügel. Elekke yıllarda Udmurt däwlät universitetınıñ tatar tele häm ädäbiäte bülegen tämamlap çıqqan qızlarnıñ kübese bügen üzlärenä başqa hönär saylap, balalarğa tatar tele öyrätü belän şöğellänmi. Şuña da bügenge çığarılış kurslarında uquçı studentlar yuğarı uqu yortında alğan belgeçlek buyınça eşen däwam itärlär dip ışanası kilä.
Bügen soñğı kursta uquçı studentları arasında Udmurtiäneñ tönyaq rayonnarınnan kilgän uquçılar bar. Ul töbäktä tatar tele uqıtuçıların tabu zur problema bulıp tora. Ölkän yäştäge möğallimälär layıqlı yalda, ämmä eşen däwam itälär, qaysıber awıl mäktäplärendä yaña sıynıflar açu mömkinlege bar, kadrlar citmi.
Xämidä Ğayfullina, İjaw
Qızlarnıñ äle mäktäptä balalar belän eşlärgä teläkläre bar. Ämmä alar tatar möxitendä üskän balalar belän aralaşırğa niätli. Älbättä, qatnaş ğailädä tuıp, şähärdä törle millät balaları belän rus telendä söyläşep üsüçelär belän däres alıp baruı qıyın. Studentlar moña töşengän. Bu balalarğa tatar tarixı, mädäniäte, sänğäte turında mawıqtırırlıq itep söylärgä belem dä, teläk tä, küp tırışlıq ta kiräk bulaçaq. Monı da qızlar yaxşı añlıy. Ä menä bu eşne başqarırğa aşqınmıy. Döres, kiläçäktä mäktäptä eşlärgä niätläre yuq tügel. Elekke yıllarda Udmurt däwlät universitetınıñ tatar tele häm ädäbiäte bülegen tämamlap çıqqan qızlarnıñ kübese bügen üzlärenä başqa hönär saylap, balalarğa tatar tele öyrätü belän şöğellänmi. Şuña da bügenge çığarılış kurslarında uquçı studentlar yuğarı uqu yortında alğan belgeçlek buyınça eşen däwam itärlär dip ışanası kilä.
Bügen soñğı kursta uquçı studentları arasında Udmurtiäneñ tönyaq rayonnarınnan kilgän uquçılar bar. Ul töbäktä tatar tele uqıtuçıların tabu zur problema bulıp tora. Ölkän yäştäge möğallimälär layıqlı yalda, ämmä eşen däwam itälär, qaysıber awıl mäktäplärendä yaña sıynıflar açu mömkinlege bar, kadrlar citmi.
Xämidä Ğayfullina, İjaw
