Bügen Taşkentta narkotiklarnı yandıru çarasında çığış yasap üzbäk räsmie Üzbäkstanda röxsätsez narkotik taşu arta bara dide.
Soñğı yıllarda Üzbäkstan häm Üzäk Aziädäge başqa elekke Sovetlar Berlege respublikaları Äfğänstanda yasalğan narkotiklarnı röxsätsez räweştä Rusiägä häm Ewropağa taşu yulına äwerelde.
Taşkentta bügen konfiskatsiälängän 566 kilogram narkotik utqa taşlandı. Anıñ yartısınnan artığı heroin ide.
Äfğänstanda zur miqdärdä heroin citeşterü däwam itä. 2002-nçe yılda Äfğänstanda 3 meñ 400 tonna äfyün citeşterelgän bulsa, bıltır 3 meñ 600 tonna citeşterelgän. Äfyünnän herion yasala.
Äfğänstanda dönyasa iñ küp äfyün citeşterüçe il. Anda citeşterlgän narkotiklarnıñ öçtän bere elekke Sovet respublikaları aşa ütä.
