Bügen AQŞ xärbi oçqıçları Ğiraqnıñ Fällücä şähärendä häm Bağdadtağı Sadr şähäre rayonında suğışçan köçlär binaları dip sanalğan urınnarnı utqa tottı.
AQŞ xärbiläre äytüençä, Fällücädä äl-Qaidägä bäyle Äbü Musab äz-Zärqäwi ğisyançıları faydalanğan urınnarnı atnalarça utqa totu näticäsendä Zärqäwi çeltäre köçsezlände dide.
Bağdadnıñ Sadr şähäre rayonında da andıy urınnar utqa totıldıhäm şähär üzägendä xärbilär suğışçan köçlär belän bäreleşte.
Bügen ilneñ könyağındağı Basra şähärendä ğisyançılar Britan xärbilärenä höcüm itep ike soldatnı üterde.
Uzğan töndä Ğiraqnıñ üzäk öleşendä Bolğarstan xärbiläre urnaşqan bazağa minaatqıç höcüme näticäsendä 3 ğiraqlı yaralandı.
Älegä başqa çığanaqlardan raslanmağan xäbärlärgä qarağanda, uzğan atnada Bağdadta totıq itep alınğan 8 mısırlınıñ ikese azat itelgän.
Bügen İordaniä patşası Abdulla Fransiä matbuğatına Ğiraqta iminsezlek däwam itkändä saylawlar ütkärü mömkin tügel dide.
