Accessibility links

шимбә, 3 декабрь 2016, Казан вакыты 12:52

115 amerikan häm yevropalı belgeç Putinne ildäge demokratiäne çikläwdä ğäyeplägän açıq xat tarattı


Tışqı säyäsät buyınça 115 amerikan häm yevropalı belgeç , şul sanda elekke häm älege citäkçelär Russiä prezidentı Putinne ildä demokratiäne çiklävdä häm aftoritar xakimiät urnaştırırğa tırışuda ğäyepläde. Şuşı protest yullaması prezident Buşqa, NATO häm Yevropa Berlegendäge illärneñ xökümät citäkçelärenä cibärelgän. Bu xaqta amerikan gazetası Washington Postta basılıp çıqqan maqäläneñ eçtälege.

Gazetanıñ yazuınça, açıq xatqa imza itüçelär arasında Çexiäneñ elekke prezidentı Vaclau Havel, Şvetsiäneñ eleke premierlärennän Carl Bildt , AQŞ senatorları John McCain häm Josef Biden da bar. Xatta Putinneñ SSSR cimerelgännän soñ Russiädä başlanğan demokratik reformalarnı tuqtatuına borçılu belderelgän. Anda şulay uq Putin terrorrğa qarşı köräşne häm Beslanda yözärlägän keşeneñ üterelüen ildäge politik tormış östennän üz kontrolen urnaştıru öçen faydalana digän xafalanu bar. Buş administratsiäse häm başqa xökümät başlıqları Russiäne demokratiägä öndävläreneñ näticäsez bulıp çığuın tanırğa çaqırılğan. Xattan sitat-Bez fäciğäle vaqiğälärneñ Russiädä demokratiäne tağı da küberäk çikläv öçen faydalanıluına borçılabız. Russiädä demokratik sistema bolay da zäğif ide. Vladimer Putin 2000-nçe yılnıñ ğinvarında prezident bulğanan birle ul anı tağı da küberäk zäğiflätte. Sitat tämam. Xatta Könbatışnıñ demokratik illäre Russiädäge demokraik köçlär safına basarğa çaqırılğan. Russiäneñ BMOndağı ilçese Andrey Denisov xatta telgä alınğan täniqtne citdigä aluın , läkin, Russiäneñ terorror belän şöğellängän döşmanğa qarşı köräşergä mömkinlek birgän bögelüçän demokratiä buldırırğa tırışuın belderde. Denisovtan sitat- Äyye, bez mondıy fikerlärne citdigä alabız, çönki alar şundıy xörmätle şäxeslärneñ fikere. Bez partnerlarıbızğa alarnıñ xatalı ikkäneklären häm ildäge vazğiätne küpertülären ispat itärgä tieşbez. Sitat tämam. Prezidentlıqqa kandidat John Kerryneñ kiñşäçese häm AQŞnıñ BMOndağı elekke ilçese Richard Holbrooke , Bez Putingä telägäneçä xäräkät itü ireklege birelä dip borçılabız. Buş administratsiäse bu yomartlığına layıqlı cavap aldı dip uylamıybız. Russiä belän mönäsäbätlärebezneñ yaxşı buluı kiräk, läkin, qayber standartlar bulırğa tieş dip belderde. Xatqa qul quyğan qayber konservativ küzätüçelär häm säyäsmännär, Buş administratsiäse Putinneñ parlament , energetika sektorı häm bäysz televideiä östennän üz xakimiäten üsterüenä qarşı tieşle reaksiä kürstämi digän qaraştalar. Analizçılarnıñ fikerençä, Buş Beslan faciğäsennän birle berberenä qapma-qarşı işarälär cibärä. Qorbannarnı iskä alğanda ul Putinne min aña xayranmın dip maqtadı. Ber könän soñ Putin gubernatorlarnı häm bäysez deputatlarnı saylau tärtiben beteräçägen belderde. Buş bu xaqta ike kön endäşmäde . Şunnan soñ ğına Russiädä qabul itelgän qararlar demokratiäne çiklävgä kiterä ala digän borçılu belderde- dip yaza Washington Post gazetası.

Färit İdelle, Praga.
XS
SM
MD
LG