Accessibility links

дүшәмбе, 5 декабрь 2016, Казан вакыты 01:25

Baltaçta yäşlär häm toraq mäs’äläse tikşerelde


29 sentäberdä respublikanıñ Baltaç rayonında yäşlär häm toraq mäs’äläse tikşerelde. Yäşlär ministrlığı oyıştırğan bu cıyılışta respublikanıñ Yäş ğailälärne toraq belän tä’min itü programması eşläwe qaraldı. 1997 yıldan birle eşläp kilüçe älege däwlät programmasınıñ awıldağı yäşlärgä qaralağan öleşe dä bar. Anıñ ütäleşenä respublika häm rayon byudjetlarınnan aqçalar qaralğan. Läkin rayon qaznasında aqça bulmasa, yäşlär torağı programması ütälmi. Bu Tatarstannıñ 5 rayonında küzätelä torğan wazğiät. Küp kenä başqa rayonnarda da yäş ğailälär kübräk üz köçlärenä genä ömetlänä ala. Läkin awılda xezmät xaqları bik tübän bulğannı isäpkä alğanda, yäşlär üzläre genä toraq satıp ala yäisä tözi almıy. Baltaçta uzğan cıyılışta nigezdä menä şuşı xäldän çığu yulları tikşerelde. Wazğiätne üzgärtü ısulınıñ berse bulıp respublika byudjetında älege programmanı ütäwgä aqçanı kübräk bülep birü täqdim itelde. Yäşlärne toraqlı itep, awılda şulay uq yäş ğailälär sanın da arttırırğa niätlänälär ikän.

Bikä Timerova

XS
SM
MD
LG