Accessibility links

сишәмбе, 6 декабрь 2016, Казан вакыты 19:10

Tatarstanda eşsezlär sanı kimi


29 sentäberdä Qazannıñ Ximiklar mädäniät sarayında vakansiälär yärminkäse uzdı. Anda eşsez qazanlılarğa 10 meñnän artıq eş urını täqdim itelä. Yärminkä inde açılğançı uq, Ximiklar sarayı yanına şaqtıy keşe cıyılğan ide. Bu eş ezläwdä älege çaranıñ näticäle buluı belän bäyle, Eş häm mäşğüllek ministrlığı wäkilläre mäğlümätlärenä qarağanda, 2004 yılda ğına Vakansiälär yärminkäläre yärdämendä 2 meñnän artıq tatarstanlı üzlärenä yaraqlı eş urını taba alğın. Xäzerge köndä respublikada Mäşğüllek üzäklärenä möräcäğät iüçelärneñ sanı 14 protsentqa artsa da, alarnıñ ğomumi sanı 22 meñgä kimegän.

Başqalanıñ Qazan yärminkäse üzägendä 29 sentäberdä beryulı ike kürgäzmä açıldı. Alarnıñ berse – İnternetforum inde 10 märtäbä ütkärelä. Anda iñ aldınğı mäğlümäti häm internet texnologiäläre, zamança poligrafik caylanmalar belän tanışıp bula. İkençe kürgäzmä isä reklamağa bağışlanğan. Älege kürgäzmälär respublikanıñ Elemtä ministrlığı häm Tatmedia agentlığı tarafınnan oyıştırılğan. Alar 1 oktäbergä qädär däwam itäçäk.

Sişämbe könne Tatarstan Däwlät Şurası räise Färit Möxämmätşin Mäskäwdä buldı. Anda ul Rusiä prezidentı xakimiätendä oçraşular ütkärde. Oçraşularda süz Rusiädä soñğı aralarda bara torğan xakimiät vertikalen nığıtu, töbäk citäkçelären saylawdağı üzgäreşlär xaqında bardı. 30 sentäber häm 1 oktäber könnärendä Färit Möxämmätşin Sarıtawda ütäçäk Evropa Şurası Cirle häm töbäk xakimiätläre kongressınıñ Mädäniät häm mäğärif komitetı utırışında qatnaşaçaq. Tatarstan spikerı älege cıyılışta räislek itäçäk, dip xäbär itä Tatar-inform agentlığı.

Gölnaz İlgizär

XS
SM
MD
LG