Accessibility links

чәршәмбе, 7 декабрь 2016, Казан вакыты 11:54

Ğiraqta totıq itep alınğan ike italian xatını öyenä qayttı


Bilgele bulğança 3 atna elek'' Bagdadqa Küper'' isemle italian yardäm oyışmasınıñ 2 xatın qız xezmätkäre qorallı keşelär tarafınnan urlandı.Alarnıñ üterelgän buluı turında xabärlär taralsa da ikese dä 29yäşendä ikese dä Simona isemle tutaşlar kiçä isän sau Rimgä qaytıp böten İtalianı şatlandırdılar. Alarnı irekkä çığaru öçen ber million dollar fidye aqçası tülängän digän xabärlär yörese dä italiannar ällä ni borçılmağan buluğa oşıy.

Rimdä uramnan ütep baruçı pensioner Filippo Mari ike Simonanıñ irekkä çığarıluına qarata(audio) Bez bu moğcizäne köttek, bu waqıyğä yaxşı xabär belän tämamlandı, alar irekkä çığarıldı Simona Pari häm Simona Torretta kiçä sonğı säğätlärdä Rimgä kilep töştelär. Sonğı 3 atnada böten ilne qayğığa salğan totıq alu draması şatlıq belän tämamlandı. Bagdad öçen Küper isemle yardäm oyışmasında eşlägän ike yäş xatın qız suğışta cafa çikkän ğıraqlılarğa bigräk tä balalarğa yardäm kürsätä ide. Urlau eşe bik küplärne şaqqattırdı. Çönki bu törkemdä eşläwçwlär yış qına AQŞ xakimiätlären çitlätep Falluca kebek başqalarınıñ kerä almağan urınnarğa yardäm ireşterä ala ide . İtalian televidiniäse şulayuq başqaları kiçädän birle ğäräb kiyemendä Rim hava alanına kilep töşkän Simonalarnı kürsätä.AQŞ citäklägän Ğıraq suğışın yaqlağan premyer Berlusconi italiannar tarafınnan nıq tänqitlänä. Kiçä ul televidiniädä çığış yasap iki xatın qıznıñ irekkä çığarıluın xabär itte Berlusconi(audio) Bu böten ilne,şulsanda barlıq italian ata anaların borçuğa salğan qotoçqıç waqıyğä ide. Şäker bu eş in uñay räweştä tämamlandı. Älegä xökümät fidye aqçası tülänüe turında komentar birüdän totılıp qala.İtalia Parlamentınıñ tışqı mäsälälär komitetı citäkçse Giuseppe Selva bügen mätbuğatta yazılğan Rim ber million dollar tüläde digän xabärlär döres bulırğa tieş, qızlarnıñ qotqaru in möhim närsä ide dip söyläde. BBC tışqı eşlär ministırınıñ ber nindi dä fidye tülänmäde digän süzlären sitat itep kiterde.Rimdä urnaşqan Xalıqara Mäsälälär institutı xezmätkäre Jean Pierre Darnis Azatlıqqa küpçelek italiannar öçen fidye tülänüe ällä ni zur problema tügel dide (audio) Min moña problema dip qaramim. İtaliannar nıq pragmatik xalıq , alar öçen keşe tormışı in möhim. Älbättä şantaj öçen aqça tüläw matur eş tügel. Fransiä häm başqa illärdä bu zur mäsälä bulır ide , Monda aqça tülängänme yuqmı tügel ä qızlarnıñ öygä qaytuı möhim. Ämma Berlusconinı yaqlauçı konservativ basma İl Folio här törle tüläüne xökem itep bolay dip yaza:alar namıslı humanitar eş eşläsä dä näticä fidyä belän tämamlandı, bu isä qoral säwdäse häm dönyanıñ bu öleşendä tınıçlıq häm demokratiägä qarşı suğışnı kiskennäşteräçäk kenä...Başqa basmalarda İtalia xatın qızlarnıñ irekkä çığarıluına cawap itep qayber säyäsi şartlar şulsanda ğıraq balaların İtaliada dewalau,kiläçäktä urtaçıl Ğıraq citäkçeläreneñ kilüen qabul itte dip yazalar. Analitik Darnis bu xabärlär döres dip qarıy . Darnis süzlärençä (audio) AQŞ bilgelägän Ğıraq xökümäte , AQŞ citäkçelegendäge koalitsiä häm terrorçılardan tış urta yulda toruçı möselman ğıraqlılar da bar,alar waqıtlı xökümät yäki AQŞnıñ Ğıraqta toruı belän kileşmi häm İtaliağa kilep üz fikerlären beyan itergä telär ide. Ämma çınbarlıqta fidye mäsäläsenä italiannarnıñ bik azı iqtibar itä mätbuğat ta nigezdä xatın qızlarnıñ isän sau qaytuına häm alar belän ike ğıraqlı totıqnıñ irekkä çığarıluına şatlana här ike Simona da üzlären urlauçılarnıñ kem buluın belmäwlären ämma üzlärenä yaxşı möğämälä kürsätelgänen belderä. Alarnıñ ikese dä yuğarı belemle İtalianıñ abruylı universitetlarında berse antropologiä, ikençese felsefä uqığan. Bagdadtqa küper isemle yardäm oyışması 1991 Farsı Qultığı suğışınnan soñ humanitar yardäm birü mäqsatında oyıştırılğan. Simona Toretta Ğıraq xalqın nıq yaratqan, suğış waqıtında da ul annan kitmägän. Simona Pari başta başqa yardäm oyışmalarında eşläp Äfganstan, Kosovo, Albaniä Çernogoriä kebek illärdä bulğan Ul 20023nçe yılda Bagdadqa kilä. Här ike Simona da törle basmalarda Ğıraq turında mäqalälär yazıp tabip häm başqaların Ğırqqa yardämgä cälep itergä tırışa. färidä xämit
XS
SM
MD
LG