Bügen İzrail' köçläre Gazanıñ tönyağındağı iñ zur fälestin qaçaq lagerı Cabalyağa kerde. Anda kimendä 10 fälestinle häm 3 izrail'le hälak buldı.
Qorbannar arasında qoralsız fälestin üsmere dä bar. Anıñ başına atqannar. Qoralsız ber yähüd xatın yögerergä çıqqaç atıp üterelgän.
İzraillelärneñ küzätü urınına höcüm waqıtında 2 fälestinle häm ber İsrail' soldate hälak bulğan. İzrail' tankı ber törkem fälestinlelärgä atıp kimendä 7 keşene ütergän. Qorallı fälestinlelär belän İzrail' xärbiläre arasında atış bulğan tirädäge älege tank höcüme näticäsendä tağın 20 keşe yaralanğan.
İzrail' xärbiläre Gazanıñ tönyağına kerüneñ maqsatı annan İzrail'gä raketalar oçırunı tuqtatu dide. Kiçä kiç annan raketa atılu näticäsendä İzrail'neñ könyağında 2 bala hälak buldı.
