Accessibility links

җомга, 9 декабрь 2016, Казан вакыты 06:57

Başqortstan däwlät radiosı üzeneñ yübileyen bäyräm itä


Başqortstan däwlät radiosı oyıştırıluğa 75 yıl tuldı. Şuşı waqıyğağa bağışlap comğa könne Ufada Neftçelär mädäniät sarayında tantanalı kiçä ütkärelde. Bäyrämgä respublikanıñ yuğarı citäkçeläre häm kürşe töbäklärdän, şul isäptän Tatarstannan da qunaqlar kilde. Yübiley uñayınnan Başqortstan radiosında eşläwçe jurnalistlarğa respublika prezidentı färmanı belän maqtawlı isemnär birelgän ide. Tantanalı utırışta şul büläklärneñ bilgeläre dä tapşırıldı. Bäyräm kiçäse bik qızıqlı häm küñelle äzerlängän. Cır – moñnar, qotlawlar belän ürelep bardı ul. Radionıñ tarixı häm bügengese xaqında baytaq mäğlümatlar da alıp bula ide anda. Başqortstan radiosı bügenge köndä Rusiädä iñ yaxşı cihazlanğan häm zamança ruxtağı tapşırular äzerläwçe radioqompaniä bularaq bilgele. Biredä älege köndä texnik xezmätkärlärne dä isäpkä alsañ, 150 dän artıq keşe eşli. Başqortstan däwlät radiosı «Yuldaş» häm «Sputnik FM» qanallarında täwlek äylänäse eşli. Öç yıl elek yuldaş teleqommunikatsiälären faydalanıp eşli başlağannan birle xäzer Başqortstan däwlät radiosı proğrammaların başqort, tatar häm urıs tellärendä çit illärdä dä tıñlap bula. Radio jurnalistları Rusiä külämendä oyıştırıluçı icadi bäygelärdä härdaim aldınğı urınnarnı ala. Radionıñ 75 yıllıq yübiley kiçäsendä şul bäygelärdä ciñüçe talantlı jurnalistlar ixlas qotlawlar qabul itte.

XS
SM
MD
LG