Accessibility links

шимбә, 10 декабрь 2016, Казан вакыты 21:27

Salawat Yulaev premiäsenä millättäşlärebez dä däğwa itä


Başqortstannıñ Ädäbiät, sänğät häm arxitektura ölkäsendä 2004 yılğa Salawat Yulaev isemendäge däwlät bülägenä däğwa itüçelärneñ isemnäre mäğlüm buldı. Bıyıl älege yuğarı büläk öçen köräşkä 11 keşe qonqursqa ütkärelle. Alar arasında yazuçılar da, artistlar da, rässam – sqülptorlar da bar. Şunısı da iğtibarğa layıq – bu yulı Salawat Yulaev isemendäge märtäbäle büläk öçen däğwaçılar arasında tatarlar da bar. Kompozitor Nur Dautov belän rässam İldar Ğayanovnıñ da bu isemlektä buluı ğorurlıq uyata. Konkursta qatnaşuçılar eşläre xaqında materiallarnı premiä buyınça qomitet bu yılnıñ 15 sentäbrenä qädär qabul itä. Kompozitor Nur Dautov respubliknıñ Bäläbäy töbägendä tuıp üskän talantlı şäxes. Anıñ icatı küpqırlı. Muzıykäl äsärläre arasında simfonik p''yesalar da, instrumentäl äsärlär dä, estrada öçen cırlar da bar. İldar Ğayanov isä küpçelek xalqın tatarlar täşkil itkän Baltaç rayonınnan. Anıñ ällä küpme şäxsi kürgäzmäläre oyıştırıldı. Soqlanğıç räsemnäre il muzeylarında häm çit illärdä yäşäwçelärneñ şäxsi tuplanmalarında da saqlana. İke millättäşebezgä dä icat keşeläre arasındağı kierenke bäygedä uñışlar telise genä qala.

Fänis Fätxi, Ufa

XS
SM
MD
LG