Accessibility links

җомга, 2 декабрь 2016, Казан вакыты 23:03

Keşelär Ğıraqta politik säbäplärdänme, ällä fidiä öçen urlanamı?


Ğıraqta tağı da 10 keşe, şul sanda indoneziäle ike xatın-qız räxen itep alınğan dip belderelä. Anda çit il keşelären urlauğa säyäsätme, ällä fidyä tülätüme säbäpçe digän sorau köntärtibendä tora

Şuşı 10 keşeneñ qalğan altısı Ğıraqlı häm ikese Livanlı. Alarnı urlauçılar, bu keşelär eşägän şirkät koalitsiä belän xezmättäşlegen tuqtatsın dip taläp itä. Monıñ öçen cavaplılıqnı üzen Ğıraq İslam Partiäse dip elek ällä ni tanılmağan törkem üz östenä alğan. Monnan öç kön elek kenä başqa ber törkem ike italian xatın-qızın irekkä çığarğan ide. Alarnıñ berse Simona Torreti bolay dip beldergän ide.

Audio

"Min bezgä solidarlıq beldergän dönyadağı İslam mäxällärenä räxmät äytäsem kilä. Şulay uq qıyın çorda bezgä yaqın torğan Ğıraq xalqına da räxmät yausın."

İtalian xökümäte şuşı ike xatın-qıznıñ irekkä çığarıluı öçen 1 milion dolar tülägän digän raslanmağan xäbär taraldı. AQŞ häm Britaniä urlanğan vatandaşlarınıñ irekkä çığarıluı öçen satulaşunı kire qağalar. Britaniä tışqı eşlär ministere Jack Sraw, satulaşu, röxen alunı qıulandıra ğına dip belderde. Media nigezdä politik taläp quyılğan keşe urlau vaqiğälärenä ähämiät birä. Kuveyt häm Yordaniäneñ qayber şirkätläre Ğıraqta urlanğan yök maşinaları şöferläreneñ irekä çığarıluı öçe fidyä tülägännär dip belderelä. Keşe urlauçılar aqçadan tış şirkätlär Ğıraq belän xezmättäşlekne tuqtatsınnar digän taläp tä quyalar. Ğıraqnıñ ölkän räsmi şäxesläre fidyä tüläv ğädätkä kerde häm bu çit il keşelären urlauğa öndi dip belderälär. April ayınnan birle 130 çit il keşese urlandı , alarnıñ yaqnıça 30-ı üterelde. Saddam Xösäin rejimı uzğan yılda bärep töşerelgännän birle, cinayätçel törkemnär yözärlägän bay ğıraqlını da urladılar. Qayber oçraqlarda 100 meñ dollarğa qädäre fidyä taläp itelä. Keşe urlauçılar azıraq aqça tülängän xäldä, räxennärne üterälär dä. Çit il keşelären urlauğa kilgändä, kemnärneñ säysäi säbäplärädn, kemnärneñ fidyä öçen urlanğan buluların bilgeläv dä ciñel tügel.

Färit İdelle, Praga.
XS
SM
MD
LG