Accessibility links

пәнҗешәмбе, 8 декабрь 2016, Казан вакыты 19:03

Tatnet: Wikipediäneñ tatarça bülegenä 1 yıl tuldı


İrekle ensiklopediä, internet dönyasındağı tarixi, sotsial, mädäni mäğlümatlar cıyılması, global päräwezdä yöri torğan keşelärgä tanış äyber. Sentäberdä anıñ tatarça bülegenä 1 yıl tuldı. Bu ensiklopediäneñ, käğäzdäge kitaptan ayırması şunda, anı böyek ğalimnär tügel, ä ğadi internet qullanuçılar da tulılandıra ala. Säxifäneñ adresı: tt.wikipedia.org

Säxifä açılğaç uq, «tatarlar böyek, yäşäsen törki dönya» digän süzlärgä yulığasıñ. Wikipediä, ikençe törle äytkändä irekle enstiklopediäneñ täwge bitendä, berençe kergän keşelärgä möräcäğät belän dä tanışırğa mömkin. «Bez, açıq, küptelle ensiklopediäne tözü belän şöğellänäbez, wä 2003 yılnıñ 15 sentäberennän başlap, Wikipediäneñ tatar öleşenä 306 mäqäläne cıydıq. Sin dä, bu eştä qatnaşa alasıñ», dielä anda. Şuşında uq, qısqaça säxifäne tulılandıru tärtibe yazılğan.

Wikipedia törle büleklärdän tora. Mäsälän, tabiğät fännäre, texnologi, möhändislek , programmalaw häm matematik, cämğiät fännäre häm sälämät yäşäw kebek büleklärdän ğibärät ul. Säxifä tatarça latinça xäreflär belän eşlängän. İrekle ensiklopediä bik küp Yevropa xalıqları tellärendä eşlängän, anda törki tellär dä bar. Mäsälän, irekle ensiklopediäneñ täwge bitendä äytelgänçä, wikipediäneñ azärçä, qazaqça, qırğızça, törekmänçä häm başqortça bülekläre bar. Başqort bülege, qızğanıçqa, buş bulıp çıqtı. Tatarçasında da mäğlümat küp tügel ikän. Wikipediägä kerep, mäsälän, UNİCS närsä ul digän soraw birsäñ, ul Tatarstannıñ Bakstetboll komandası digän añlatma kilep çığa. Baskethol närsä dip sorasañ, Qaban küle yarında urnaşqan bik zur bina, digän añlatmağa yulığasıñ. Şulay itep, ensiklopedia ,citdi bulmağan häm qısqa-qısqa beleşmälär belän tanışu mömkinlegen birä. Wikipediäne eşläwçelär, xatalarnı tözätergä dä çaqırtalar. Şulay itep, irekle ensiklopediä, internet buylap gizep yörüçe ğadi qullanuçılar tarafınnan tuplana häm tözetelä bara. Adresnı qabatlıym: tt.wikipedia.org.



Bikä Timerova.

XS
SM
MD
LG