Accessibility links

шимбә, 10 декабрь 2016, Казан вакыты 15:44

Gazada İzrail' xärbi boralaqları raketa atıp kimendä 3 fälestinlene üterde


Gazanıñ tönyağında Cebaliya fälestin qaçaqlar lagerına İzrail' xärbi boralaqları raketa atıp kimendä 3 fälestinlene üterde. İzrail' xärbiläre sişämbe könne Gazanıñ tönyağına kergännän birle barlığı 40-tan artıq fälestinle üterelde. Şul uq çorda törle höcümnär näticäsendä 5 izrail'le üterelde. Çärşämbe könne fälestin suğışçları oçırğan raketa şartlaw näticäsendä İzrail'neñ könyağındağı Sderot şähärendä 2 bala hälak buldı. İzrai premyer ministrı Ariel Şaronnıñ kiñäşçese Dore Gold bez İzrail'gä Qassam raketaları oçırırğa cıyınğan suğışçan törkemgä höcüm itärgä telädek dide.

AUDİO: Ägär dä Fälestin xakimiäte üz qaramağındağı cirlärdä tärtip saqlıy almıy ikän, İzrail' Qassam raketalarınıñ İzrail'däge ğailälärgä töşü qurqınıçın beterü öçen kiräk bulğannıñ barısın da eşliäçäk.

İzrail' tankları, BTRları Gazanıñ tönyaq öleşe tiräsenä xärbi operatsiä öçen cıyıla. Cebalya şähärendä Fälestin prezidentı Yassir Arafatnıñ süzçese Näbil Äbü Rdayni İzrail'neñ bu operatsiäsen ğäyepläp xalıqara cämäğätçelekne tıqşınırğa çaqırdı. Bügen Fransiä belän Rusiä Gazadağı köç qullanuğa borçılu belderde häm İzrailne ayawsız köç qullanmasqa, xalıqara humanitar qanunnarnı bozmasqa çaqırdı. Rusiä şulay uq Fälestin citäkçelegen İzrail'gä qarşı terror ğämällärenä çik quyu öçen näticäle häm xälitkeç çaralar kürergä öndäde. Livan başqalası Bäyrüttä bügen maşinağa yäşerelgän bomba şarltaw näticäsendä elekke xökümät ministrınıñ tän saqçısı hälak buldı. Elekke ministr ciñel yara alğan.

XS
SM
MD
LG