Accessibility links

җомга, 9 декабрь 2016, Казан вакыты 18:36

İzrael Gaza sızığında höcümnärenä däwam itä


Tönyaq Gaza Sızığında barğan qorallı bäreleşlärdä tağı 6 fälästinle üterelde.Töbäktäge in köçle höcümen alıp barğan İzrael , fälästin suğışçılarınıñ İzrael şähärlärenä raketa höcümlären tuqtatu öçen bu operatsiä zarur dip belderde. İzrael bu höcümnärendä suğışçılarnı ğına tügel ä sivillärne dä üterä. AQŞ, Yevropa Berlege häm başqa illärgä quşılıp İzraelne totnaqlıq kürsätergä çaqırdı.

(audio) İşetkänegez bu doğa Hamas suğışçılarınıñ video tasmasınnan.Videoda kürengän berbersen qoçaqlap doğa qılğan 4hamas suğışçısı bügen irtänge säğätlärdä gäwdälärenä şartlağıçlar urnaştırıp Gaza çigen ütte . Könyaq İzraeldä Kibutzqa höcüm oyıştıru mäqsatı belän yulğa çıqqan şuşı intihar terrorçıların İzrael soldatları üterde. Bügen irtän İzrael hava köçläre tönyaq Gazada Jabalia moxacirlar lagerına höcüm oyıştırıp ike fälästin suğışçısın üterde 4sen yaraladı. Çärşämbedä hamas raketaları Gaza yaqınında ike yähud balasın ütergännnän soñ İzrael tank häm BTRları çikne ütte. Şulay itep İzrael bu täbäktä in qanlı höcümnärennän bersen başlatıp cibärgän buldı . Häläk buluçılar sanı 47 citte.Ülüçülärneñ buluçılarnıñ kübeseneñ balalar buluı xalıqara borçıluğa säbäp buldı. Yevropa Berlege İzrael höcümnären ''çamadan tış, ''ayausız'' dip bäyäläde. AQŞ däwlät departamentı totnaqlıq kürsätergä çaqırdı. Fälästin premyere Axmed Qurei süzlärençä(audio) İzraelneñ bu cinayäte tınıçlıq prosesına ireşü öçen xalıqara totrıqlılıq urnaştıru tırışlıqların tuqtata, alar böten dönya , mätbuğat aldında bu yämsez cinayätne eşli , keşelärne üterä, yortlarnı cimerä. Qızğanıç ki dönya endäşmi tora. Raketa höcümnäre, İzrael premyre A.Sharonnıñ ber yaqlı bularaq kiläse yılda Gazadan çigenü planına tänqitlärne arttırdı.Sharon Gazadağı 8meñ yähüdne evakuatsiälärgä, utarlarnı sütep taşlarğa teli.Ämma Sharonı tänqitläwçe ütä uñnnar , plan fälästin radikallären qıyulandırdı, alar İzrael şähärlärenä raketalar atıp İzraelne Gazadan qudıq digän täsir qaldırırğa teli dip äytä. Comğa könne İzrael opozitsiä citäkçese Shimon Peres NY-ta bolay dide(audio) Sonğı könnärdäge waqıyğälärgä qaramastan İzrael ber yaqlı çigenü planına turılıqlı qala , ul bilgelängän köndä çığıp kitäçäk Ber närsä dä üzgärmi . Min äle bügen genä premyer A.Sharon belän söyläştem häm ul miña şulay dip äytte. Hamas bügen irtän İzrael territoriäsenä raketa höcümnäre däwam itäçäk dip belderde. Sonğı xabärlärgä qarağanda Fälästin xökümäte cıyılış ütkärep fälästin territoriälärendä ğädättän tış xäl kertte. Kabinet belderüendä Xalıqara Cämäğätçelek yardämgä çaqırıla häm Gaza xalqı öçen humanitar yardäm sorala. Axmet Qurei Törkiä häm Rusiägä yasayaçaq säfärennän wazkiçte färidä xämit
XS
SM
MD
LG