Accessibility links

шимбә, 3 декабрь 2016, Казан вакыты 14:40

Paqstanda äfgan moxacirların terkäw ozaytıldı


Paqstanda yäşäwçe äfgan moxacirların ildä ütäçäk berençe prezident saylawları öçen terkäw ber köngä ozaytıldı. Migratsiä öçen Xalıqara Oyışma (İOM) belderüenä qarağanda, kötelgännän azıraq sanda xatın qıznıñ terkälüe ozaytu säbäbe bulıp tora.BMOnıñ ber bülekçäse bulğan İOM Äfganstanda 9nçe üktäber saylawlarında kübräk xatın qıznıñ qatnaşuı öçen tırışa. Paqstanda yäşäwçe äfgan xatın qızı Äfganstandağılarğa qarağanda küpkä azıraq terkälgän.

(audio) Paqstannıñ tönyaq könbatışında urnaşqan äfgan moxacirlar lagerı Jallozai bazarı işetkänegez kebek qaynap tora. Meñnärçä qaçaqnıñ yäşägän lagerdä 3 kön buyı Äfganstandağı saylawlar öçen terkäw eşe alıp barıldı. Qayberäwlär öçen 9nçe üktäber saylawları bik möhim . Möxämmäd Xan prezident namzäte Axmäd Şax isemle injiner öçen tawış birergä qararlı Xan bezneñ xabärçegä bolay digän(audio) Axmäd Şax ozaq waqıt bezneñ citäkçe bulıp tordı. Bez anı beläbez. Ul mucahid , cihad –izge suğışta suğıştı. Miñ aña tawış biräçäkmem. Ämma Paqstan bazarında burqalarına törengän äfgan xatın qızı ildä ütäçäk berençe prezident saylawları belän ällä ni qızıqsınmıy.Şunlıqtan BMOnıñ Migratsiä Oyışması terkäw eşen ber köngä ozayttı. Saylawlarnı oyıştıruçılar 9nçe üktäber öçen yaqınça 10million äfganlı terkälgän dip farazlıy. Suğış , qorğaqlıqtan qaçqan bik küp sanda äfganlı İran häm Paqstanda yäşi. Alar saylawçılarnıñ möhim öleşen täşkil itä. Ämma ike köndä terkälgän 340meñ keşeneñ biştän ber öleşe genä xatın qız. Äfganstanda isä terkälüçelärneñ 40%tı xatın qız.İOM citäkçese Peter Erben Paqstanda tärkälüçe moxacirlar sanı yartı millionğa yaqın bulaçaq dip farazlıy .Küp kenä moxacirlar prezident namzätläre cünläp saylap aldı kampaniäse alıp barmadı dip şiqäyät itä şulayuq iminlek turındağı borçılular da arta bara. Cimrelgän Taliban rejimı qaldıqları ütkän atnada moxacirlar lagerında saylaw xezmätkärlären üterüçelär büläklänäçäk dip yazılğan käğäzlär taratqan. Äfganstannıñ waqıtlı prezidentı Hamid Qarzai öçen Paqstanda kampaniä alıp barğan Daud Arsala kisätülärgä qaramastan moxacirlar küpläp tawış birügä qatnaşaçaq digän qaraşta.(audio) Älegäçä min xalıqnıñ saylawlarğa qatnaşu yä ki terkälüen tuqtatqan ber nindi problema,kirtä kürmädem dip äytä. Şulay da Paqstannıñ tönyaq könbatışındağı bu çik töbägendä räsmilär här törle kisätülärgä bik ciddi qarıy . Politsiä häm yarım xärbilär kiläse şimbädä tawış birü puktların saqlıyaçaq. Ämma Äfganstanda tınıçlıq urnaşır ömede belän yäşägän 25 yäşlek Xan kebek saylawçılarnı ber närsä dä qurqıtmıy. Xan süzlärençä(audio) Äle bez ilebezne irekländerergä, tınıçlıq urnaştırırğa häm üz patşabıznı saylarğa telibez. 9nçe üktäberdäge prezident saylawlarına 18namzät şulsanda AQŞtarafınnan yaqlanğan älege waqıtlı citäkçse Hamid Qarzai qatnaşa färidä xämit
XS
SM
MD
LG