Accessibility links

җомга, 9 декабрь 2016, Казан вакыты 14:40

Samarradağı ciñüneñ bäyäse yuğarı buldı


AQŞ wä Ğıraq köçläre sönni öç poçmağındağı Samarra şährendä qanlı suğıştan soñ ciñügä ireşülären iğlan itte.Şähärneñ 70%tı AQŞ yäki Ğıraq xärbiläre kontrolendä.Ütkän töndä dä amerikan oçqıçları şähärne bombaladı.200dän artıq başkütärüçe üterelde yäki qulğa alındı dip belderelde.Ämma monıñ öçen tülängän bäyä yuğarı. Xalıq häm xästäxänä räsmiläre küp kenä sivil şul sanda bala çağa häm xatın qıznıñ ülgän yaralanğan buluın xabär itkändä yardäm oyışmaları şähärdä yäşäw şartları turında borçılu belderde.Bagdadta düşämbe irtän bulğan ike şartlawda distädän artıq keşe häläk buldı.

AQŞ wä Ğıraq komandirları Samaranı kire alu öçen bulıp alğan suğışnı , ğıynuar ayındağı saylawlardan elek ğıysyançılar qulındağı urınnarnı kire aluda berençe uñışlı adım dip bäyäli.Ğıraq eçke eşlär ministırı Falah al Naqib (audio) iyül ayınnan birle şähärne kontrol ikän cinayätçelärdän qotılğan Samarra xalqın täbriklibez dip söyläde. 5meñ çaması AQŞ wä Ğıraq ğäskäriäneñ Samarradağı operatsiäse äle dä däwam itä. Ütkän töndä amerikan oçqıçları şähärne yañadan bombaladı.AQŞ 125 ğıysyanıçınıñ üterelüen 88neñ qulğa alınuın belderde.Şähärneñ 70% AQŞ häm Ğıraq xärbiläre tarafınnan kontrol itelä.Ämma Samarra xalqı şähärne kire alu öçen barğan suğışnıñ bäyäse yuğarı buldı , bik küp sivil ülde dip söyli. Suğışta änisen häm señelen yuğaltqan Matra Şaker Reuters agentlığına (audio) İnşallah prezident G,Bushnıñ öye cimereler. bu tragediä Bezneñ öydä ike keşe häläk buldı digän. Associated Press Samarra xästäxänäse räsmie Abdul Nasser Hamed Yassingä tayanıp ,bäreleşlär başlanğannan birle monda 70mäyet kiterelde alarnıñ 23 bala häm 18 xatın qız ide belderde. AQŞ xärbiläre hava höcümnären tögäl höcümnär dip taswirlap , bez sivil yuğaltularnı tübän totu öçen quldan kilgän här närsäne eşlädek digän pozitsiädä tora . Yardäm oyışmaları şähärdä ut su bulmawına şulayuq öylären taşlap qaçırğa mäcbür qalğan yözlärçä ğailäneñ yazmışına borçılu belderä.Şähärneñ säwdä üzäge nıq zarar kürgän, cimerelgän. Samarradan Tigris yılğası aşa qaçqan Xalil Samarai süzlärençä(audio) Böten yullar yabıq ide . Bez yılğanı ütkändä bezgä 3 märtäbä ut açıldı. Alar bezne hädäf itep aldımı äytä almim. Balalar yanıbızda ide. Yullar açıq bulsa ide, şähär xalqınıñ yartısı çığıp kitkän bulır ide. Düşämbe irtängä säğätlärdä amerikan oçqıçları Fallucanı bombaladı. Tabiplar in kimendä 11 ğıraqlı üterelde dip äytte. AQŞ komandalığı Yordaniäle ekstremist Abu Musab al Zarqavinıñ bazasın hädäf itep aluın belderde. Bügen Bagdadta ike ayrım şartlawda distädän artıq keşe häläk buldı. Uñnarça keşe yaralandı.Berençe şartlau räsmi binalar urnaşqan yäşel zonanıñ kereşendä , ikençe şartlaw çit il keşeläre yäşägän qunaq yortları, çit il şirkätläre tuplanğan uramda buldı. Öçençä şartlau ilneñ tönyağında Musul şährendä mäktäp yanında bulğan. färidä xämit
XS
SM
MD
LG