Accessibility links

шимбә, 10 декабрь 2016, Казан вакыты 00:18

Qazanda “Şiğri sabantuy” uzaçaq


Bez yış qına: “Yäşlärebez kitap uqımıy. Bügenge ädäbiätebez krizis xälendä,” – dibez. Ämma bu süzlär, çın mäğnäsendä, döreslekkä turı kiläme ikän? Ölkän buın yazuçılar üzlärenä almaş xäzerlime?

Yäş icat köçlären barlaw maqsatınnan, respublikabızda baytaq qına çaralar ütkärelep kilä. Aprel' ayında “Yäş yazuçılar seminarı”, här oktäber sayın – “İdelem aqçarlağı” icat bäygese, ike yıl buyına däwam itkän “Qawrıy qäläm konkursı...

Ozaqlamıy Qazanda közge Sabantuy ütkäreläçäk äle. Sabantuy bulğaç, anda qapçıq belän suğışu, yomırqa qabıp yögerü, ätäçkä menü, köräş... bulırğa tieş. Ämma bolar yuq. Ul – “Şiğri sabantuy” Anda şiğer yazuçı studentlar köräşä. Ä bügenge yäşäyeştä şiğergä urın barmı? Tirä-yağıbızda eçkeçelek, narkomaniä, faxişälek... bit. Yäşlär şiğer yazarğa telämilär, biznesqa tartılalar. Baştağı uylarnıñ barısı da – aqça, fatir, maşina, qalın kesäle yeget, bay käläş xaqında... Ämma şiğergä dä urın bar, ul da, köndälek tormış mäşäqätlärenä kümelep bulsa da yäşi ikän.

“Şiğri sabantuy” Tatarstan Yazuçılar berlegenä – 70, Qazan däwlät universitetınıñ tatar bülegenä – 60 yıl tuluğa bağışlana. Ul respublika däräcäsendä ütkärelep, anda, Qazan däwlät universitetı, Qazan däwlät pedagogiä universitetı, Gumanitar institut, Awıl xucalığı akademiäse, Alabuğa pedagogiä universitetı, Minzälä pedagogiä kölliäte häm başqa uqu yortlarınıñ studentları qatnaşır dip kötelä. Töp şart – här qatnaşuçı olpat ädiplärdän torğan märtäbäle jyuri qarşında üzeneñ ber şiğeren uqıy. Alarnıñ xäyer-fatixasın ala.

Bäyge turında Tatarstan Yazuçılar berlege räise urınbasarı, “Ällüki”neñ yazuçılar yağınnan citäkçese Ğalimcan Ğil'manov fikerläre.

“Şiğri sabantuy”lar traditsiäse 60-70 yıllarğa kitä häm bik matur traditsiä bularaq, ul 80-90 yıllar başına qädär Qazan däwlät universitetınıñ tatar bülege qısalarında yäşäp kilde. Şuşı şiğri bäygelärdän bezneñ ataqlı, mäğlüm şağirlärebez üsep çıqtı. Äytik min üzem berençe urınnı alğan Rafis Qorbannı, ikençe urınnı alğan Flürä Nizamovanı xäterlim. Ber yılnı üzemä dä şuşı şiğri bäygedä öçençe urınğa kütärelergä turı kilde

Äle bıltır ğına Qazan däwlät universitetınıñ tatar filologiäse häm tarixı fakul'tetında, niçä yıl tuqtap torğannan soñ, yänädän “Ällüki” ädäbi berläşmäse safqa bastı. Anıñ näticäse bularaq, Qazan däwlät universitetınıñ tatar studentları gazetası – “Täräzä” dönya kürä başladı. Küñellärdäge şiğer taşqının taş belän bastırıp quysañ da, ul barıber vulkan bulıp atılıp, urğılıp çığa ikän. “Şiğri sabantuy” – şunıñ berençe näticäse dä. Bu xaqta Ğalimcan Ğil'manov fikerläre.

“Ällüki” ädäbi berläşmäse, üzenä ber genä yäş buluğa qaramastan, ul üz tiräsenä talantlı tatar studentların, şağirlären cıyıp, “Şiğri sabantuy” ütkärergä buldı. Jyuri äğzaları älegä ser. Älbättä bezneñ bu bäyrämebez konkurs qına bulıp qalmayaçaq. Cır da, matur kölkele süz dä, uyın da, şayaru da bulaçaq, älbättä üzäktä şiğer bulaçaq

“Şiğri sabantuy” oktäberneñ 7-se könne, 16 säğättä Yazuçılar yortınıñ Tuqay klubında uzaçaq.

Lenar Şäyex

XS
SM
MD
LG