Accessibility links

җомга, 9 декабрь 2016, Казан вакыты 04:59

Ğiraq başqalası Bağdadta häm tönyaqtağı Mosulda şartlawlar buldı


Ğiraqta köç qullanu bügen dä däwam itte. Başqala Bağdad häm tönyaqtağı Mosul şähärlärendä bomba şartladı. Başqalada ilçeleklär häm xökümät urnaşqan "imin zona" qırıyında maşina şartladı, anda kimendä 8 ğiraqlı hälak buldı. İkençe ber şartlaw şähärneñ iñ üzäk uramnarınıñ bersendä, Saadun uramında buldı, anda kimendä 2 keşe hälak bulğan dip xäbär itelä. Mosulda bomba mäktäp yanında şartlağan, anda ike keşe hälak bulğan. Polşa saqlanu ministrı Jerzy Szmaidzinski''nıñ, kiläse yılnıñ azağına qadär Polşa Ğiraqtan üz ğaskärlären çığaraçaq, digän belderüen bügen ilneñ tışqı eşlär ministrı Wlodzimierz Cimoszewicz şik astına quydı. Ğiraqta wazğiät ğaskärlär çığaru däräcäsenä yaqınlaşsa – bu bik yaxşı bulaçaq, dide tışqı eşlär ministrı. Ämma älegä bu turıda ber ni dä äytep bulmıy, häm Polşa üz berektäşen, Amerika Quşma Ştatların yalğız qaldırmayaçaq, dip belderde Polşa tışqı eşlär ministrı.

XS
SM
MD
LG