Accessibility links

сишәмбе, 6 декабрь 2016, Казан вакыты 19:07

Äfğanstanda ütäçäk prezident saylawlarında qatnaşır öçen Paqstanda 650 meñgä yaqın äfğan qaçağı terkälgän


Xalıqara Migrasiä Oyışması mäğlümatlärenä qarağanda Paqstandağı 650 meñgä yaqın äfğan qaçağı Äfğanstanda şimbä ütäçäk prezident saylawlarında qatnaşır öçen terkälgän. Oyışmanıñ matbuğat wäkile Greg Bearup süzlärenä qarağanda, Paqstanda saylawaldı terkälü eşläre tınıç uzğan. Terkälgännärneñ 27%tı ğına xatın-qızlar, häm bu – borçılu tudıra, dide Bearup. Tawış birüne küzätäçäk Yevropada İminlek häm Xezmättäşlek Oyışması wäkilçelegeneñ başlığı Robert Barry, Äfğanstannan xalıqara standartlarğa turı kilgän ğadel häm irekle saylawlar kötü – yalğış bulır ide, dide. Bu atnada Äfğanstanda ütäçäk prezident saylawlarına namzät itep terkälgän 18 keşeneñ 2se genä bügen saylaw aldı debatlarına kilde. Äfğanstannıñ waqıtlı prezidentı Hamid Qarzai da, anıñ töp köndäşe elekke eçke eşlär häm mäğärif ministrı Yunus Qanuni da, debatlarğa kilmägän. Barı tik Abdul Sattar Sirat häm Wakil Mangul, alarnıñ tarafdarları häm tağın ber namzätneñ wäkile bar ide, dip xäbär itelä. Söyläşü korrupsiä, suğış çorı cinäyätläre häm ilneñ kiläçäge turında barğan. Äfğanstannıñ Mädäniät häm Sivil Cämğiät Fondı oyıştırğan şuşı söyläşüne qararğa 100gä yaqın keşe cıyılğan.

XS
SM
MD
LG