İrannıñ bilgele reformaçılarınnan berse, vice prezident Mohammäd Ali Abtani, xökümättän kitüe turında belderde. İSNA mäğlümat agentlığına Abtani, monnan soñ üz wazifaların başqara almawın, parlamentnı üz kontrolenä alğan konservativ köçlär belän eşläp bulmağanın äytte. Anıñ wazifasınnan kitüen äle prezident Mohammäd Khatami raslarğa tieş. Abtani'nıñ bu belderüne yasağançı ber kön qala, parlament, şulay uq reformaçılar yaqlı transport ministrı Ahmad Xoramnı korrupsiädä ğayepläp urnınnan quğan ide.
