AQŞ saqlanu ministırı D.Rumsfeld düşämbe könne Nyu Yorkta Tışqı Mönäsäbätlär Şurasında S.Xösäin belän Osama bin Laden citäklägän terror çeltäre al Qaida arasındağı elemtälär turındağı sorawğa (audio)
Minem belüemçä , min ikesen berbersenä bağlağan köçle dälil kürmädem digän cawap qaytardı.
Rumsfeld däwam itep terrorçılar , terror çeltärläre arasındağı mönäsäbätlärne küzätü qıyın , küp kenä oçraqlarda alar komanda strukturasında tügel ä ällä ni nıq bulmağan elemtälär urnaştırıp xezmättäşlek itä dide. Rumsfeld misal itep Ğıraqta in qanlı höcümnärne oyıştıruda şiklänelgän jordaniäle terrorçı Abu Musab al Zarqawını kiterde.Anıñ bin Laden belän räsmi elemtäse bulmasa da , eşlägän eşläre näq şuluq alar qazandağı ike borçaq kebek dip söyläde.
2002nçe yılnıñ sintäberendä genä Bagdad belän al Qaida arasında nıq elemtälär buluın häm monıñ 8-10 yıl çaması däwam itüen äytkän Rumsfeld Ğıraqnıñ terror çeltäre belän elemtäse turında xäkümät, cämäğätçelek telägän nıq dälilne kürsätä almıy digän ide . Rumsfeld bu turıda , vitse prezident Chenyneñ demokratlarnıñ vitse prezident namzäte senator John Edwards belän çärşämbedäge televidiniä oçraşuınnan ber kön elek kenä äytkän buldı. Bu tema ike namzätneñ oçraşuında kütäreläçäk. Rumsfeld NYtağı çığışınnan soñ ütkän töndä yasağan belderüendä min 2002nçe yıldan birle al Qaida belän Ğıraq arasında mönäsäbätlär buluın belderep kiläm. Min moñı CİAnıñ eleke citäkçse George Tenet birgän mäğlümätkä nigezläp belderep kildem . CİA xisaplarında Ğıraq belän al Qaida arasında yuğarı däräcädä elemtälär buluı häm bälkim dä ximik, biologik qorallar mäsäläsendä künegü, mäğlümät belän almaşu buluı turında äytelä ide. D.Rumsfeld tışqı mönäsäbätlär şurasındağı çığışında küzläw idaräläreneñ küpläp üterü qoralları turında birgän mäğlümätneñ dä döres bulmawın telgä aldı. Rumsfeld süzlärençä(audio)
Bez anda küpläp üterü qoralları taba almadıq. Här kem anıñ(Saddamnıñ) qoralğa iä buluın belä ide. Här kem xätta BMOda başqa törle tawış birüçelär dä anıñ xäyläle deklaratsiä yasauın iqrar itä. Küzläw idaräläre ni öçen xatalı mäğlümät birde belmim.
Ämma Rumsfeld äle yäkşämbedä genä FOX NEWS kanalına birgän ängämädä Saddam suğıştan elek küpläp üterü qoralına iä ide , ul alarnı yä yäşerep quydı yä dä yuq itte dip söyläde. AQŞ saqlanu ministırı Rumsfeld şura aldındağı çığışında Ğıraqta ğıysyançılar qulında bulğan şähärlärne irekländerü öçen Samarrada bulğan kebek kiñ külämle xärbi operatsiälär ütkärergä kiräk .Bu urınnarda sivil kontrol urnaştıru xärbi ciñü qädär qıyın eş ,ämma andıy kontrol urnaştırılmasa saylawlar şik astında qalaçaq ,ägär dä sönni möselmannar tawış birügä küpläp qatnaşa almasa ğıynuardağı saylawlardan soñ alarnıñ tağı da kübräk çitläşü qurqınıçı bar dip söyläde
färidä xämit
Rumsfeld: Ğıraq-Äl Qaida mönäsäbätlären raslağan dälil yuq
Saddam Xösäin belän al Qaida terror çeltäre arasındağı elemtälär Ğıraq suğışın başlatu öçen Bush administratsiäseneñ alğa sörgän säbäplärdän berse ide. Düşämbedä AQŞ saqlanu ministırı Donald Rumsfeld ''min şäxsän bu mäsälädä ällä ni köçle, quätle dälil kürmädem dip beldersä dä , bu turıdağı AQŞ küzläw xezmätläre mäğlümätläre qapmaqarşılıqlı dip äytep üz komentarın yomşarta töşte . Saqlanu ministırınıñ tışqı mönäsäbätlär şurasında beyan itkän qayber fikerläre.