Accessibility links

Кайнар хәбәр

Ğiraqnıñ Mosul şähärendä maşinağa quyılğan bombalar şartladı: atışlarda 3 ğiraqlı hälak buldı


Ğiraqnıñ tönyağındağı bu şähärdä bügen ğısyançılar amerikan xärbiläreneñ konvoyına höcüm itte. Maşinağa quyılğan bomba şartlap 3 ğiraqlı hälak bulğan dip xäbär itelä. 4 amerikan xärbie yaralanğan. Mosul xastaxanäse tabibı Riyad Möhammäd süzlärenä qarağanda şähärdän çittä başları kiselgän 3 mäyet tabılğan. Alarnıñ 2se – ğiraqlılar, berseneñ kem bulğanı äle açıqlanmağan. Bağdadtan könyaqqa taba urnaşqan Yusufiä şähärendä Ğiraq milli ğaskärläre tikşerülärgä çıqqaç maşina şartlağan. Anda kimendä ber keşe hälak bulğan, tağın 9zı yaralanğan. Bağdadtan tönyaqqa taba yul buyına quyılğan bomba şartlawı näticäsendä ber amerikan xärbie hälak bulğan. Kötelmägändä bügen Kirkuk şähärendä Britaniäneñ tışqı eşlär ministrı Jack Straw bulıp kitte. Anda ul Kördistan patriotlar berlege firqase yulbaşçısı Jalal Talabani belän oçraşqan dip xäbär itelä.
XS
SM
MD
LG