Accessibility links

якшәмбе, 4 декабрь 2016, Казан вакыты 05:01

Fälestin ministrı Saeb Erekat İzraelne söyläşülär başlarğa çaqırdı


Bügen İzrael ğaskärläre – İzraelneñ tikşerü noqtasına yaqın kilgän 13 yäşlek fälestin qızın atıp üterde. İke yaq ta qıznıñ hälak buluın rasladı. İzrael xärbiläre – fälestin qızı kerü tıyılğan zonada ide, dip belderde. Tönyaq Gazada hawa höcümendä bügen ber fälestin suğışçısı hälak buldı. Fälestin ministrı Saeb Erekat, Ramalla şähärendä bügen İzraelgä tınıçlıq söyläşülären yañartırğa çaqırıp möräcäğät itte: "İzrael xökümäten kiçekmästän söyläşülär başlarğa, köç qullanunı tuqtatırğa çaqırabız. Tanklar häm basıp kerülär, üterülär häm cimerülär yulı belän iminlek häm tınıçlıq urnaştırıp bulmawın añlağız. 1967nçe yılda İzraelneñ okkupasiäse belän başlanğan köç qullanunı mäğnäle säyäsi çaralar belän genä tuqtatıp bula", dide Saeb Erekat. Gazanıñ tönyağında İzaelneñ xärbi çarası inde ber atna däwam itä. İzrael ğaskärläre, çaranıñ maqsatı - fälestin suğışçılarınıñ kürşe yähüd şähärlärenä raketa atuların tuqtatu, dip belderä.

XS
SM
MD
LG