Accessibility links

чәршәмбе, 7 декабрь 2016, Казан вакыты 19:27

Terrorçılarnı finanslawğa qarşı köräşäçäk yaña oyışma tözelä


Rusiä terrorçılarnı finanslawğa qarşı köräşäçäk törkem tözergä täqdim itte. Finans ministrı Aleksei Kudrin Mäskäwdä terrorğa qarşı köräş mäs'älälärenä bağışlanğan xalıqara cıyında çığış yasap, Rusiä bu törkemgä bıyıl 1 million, kiläse yılğa 2 million dollar bülep biräçäk, dide. Oyışmağa Qıtay, Rusiä, Belarus, Qazaxstan, Taciqstan, Üzbäkstan häm Qırğızstan kerä. Bu yañalıq irtägä, cıyınnıñ soñğı könendä ğamälgä keräçäk. Mäskäwdä bu xalıqara cıyında 40qa yaqın ilneñ wäkilläre qatnaşa. Şulay uq monda Yevropa Şurası, Yevropa Komissiäse, Berläşkän Millätlär Oyışması, Dönya Bankı, İnterpol häm dönyada açqa yuu eşlären tikşerüşe finans oyışması wäkilläre bar. Bügen qayber däwlätlärneñ Rusiädäge yaña ilçeläre belän oçraşqanda prezident Vladimir Putin terrorğa qarşı köräştä xalıqara xezmättäşlek kiräk, dip belderde. "ike yözlelek" qabul itelmi, dide Putin. Associated Press agentlığı xäbär itüençä Putin şulay itep Çeçnyada barğan suğışqa qarata könbatıştağı qaraşlarnı täñqit itte. Mäğlüm bulğança, Aslan Masxadovnıñ Amerika Quşma Ştatlarında sıyınu tapqan wäkile İlyas Axmadov häm Britaniädä qaçaq statusı alğan Axmäd Zakayevnı Rusiä, terrorçılar dip atap, üzenä tapşırunı taläp itä.

XS
SM
MD
LG