Accessibility links

якшәмбе, 4 декабрь 2016, Казан вакыты 19:30

Färit Möxämmätşin: bezgä ciñel tügel, ämma bez bu yuldan barırğa tieş


Latin grafikasın torğızu turındağı qanun, Tatarstan Däwlät Şurası tarafınnan 1999 yılda qabul itelgän. Qanun ğämäldän çığarılmağan, konstitutsiä mäxkämäsenä möräcäğät itü säbäple, qanunnıñ ütäleşe tuqtatılğan. Rusiä qanunnarına täñgälläşterü barışında, Tatarstannıñ bu qanunına qarata, Prokuror tarafınnan däğwä belderelgän ide. Belgänegezçä, Rusiä xalıqları telläre turındağı federal qanunğa tözätmä kertelü säbäple, latin grafikası tıyıldı. Ul tözätmädä, Rusiädä yäşäwçe xalıqlar kiril xäreflären genä qullanırğa tieş, dip yazılğan. Näticädä tuğan qarşılıq, tatarstannı Rusiä Konstitutsiä mäxkämäsenä möräcäğät itärgä etärä. Mäxkämä utırışında Tatarstan isemennän cawap totqan, parlament räise Färit Möxämmätşin, matbuğat oçraşuında 5nçe üktäber waqiğaların söyläde. Cıyılış bik kierenke şartlarda barğan. Anda Duma deputatları da, Federatsiä Şurası da, başqa räsmi keşelär dä bulğan. Tatarstan yağı belän kileşmiçä, çittäge tatarlar ni eşlär ikän, dip borçılu beldergän bulğan. Färit Möxämmätşin, tatarlar turında borçılğan öçen alarğa räxmätlär beldergän.



Latin grafikasın tıyu turında söyläşkändä, reforma yaqlı keşelär, xäreflär saylawnı tıyu keşe xoquqların qısa, digän dälil kiterde. İnde latinğa qarşı yaq ta, şul uq, keşe xoquqları temasın möräcäğät itä. Mäsälän, Duma deputatı Yelena Mizulina, mäğlümat ağentlıqlarına birgän intervyusında, latinğa küçü kiril xäreflärenä küngän keşelärneñ xoquqların qısa, dip beldergän bulğan. Färit Möxämmätşin, niçek itep deputat xanım belän bäxäsläşkänen söyläp birde. Yelena Mizulina, bu latinğa här yaqlap qarşı, Törkiägä qarıysız, latin Rusiä iminlegenä qurqınıç kiterä, dip çığış yasadı ul, dide parlament räise. Färit Möxämmätşin, miñ aña cawap birep qaradım, läkin ul añlamıy, alar bu latin mäs’äläsennän bik qurqa, dip añlattı matbuğat oçraşuında. «Bezgä ciñel tügel, añlıysızdır, ämma bez bu yuldan barırğa tieş» - dide Tatarstan Däwlät Şurası räise.

Bikä Timerova. .

XS
SM
MD
LG