Accessibility links

Кайнар хәбәр

Yevropa Komissiäse Törkiägä Berlekkä kerü söyläşülären başlarğa röxsät birde


Yevropa Komissiäse prezidentı Romano Prodi Yevropa Parlamentı aldında çığış yasap bügen Komissiä Änkaranıñ Yevropa Berlegenä kerü söyläşülären başlarğa röxsät sorawına "uñay cawap" birä, dide. Söyläşülär başlaw waqıtın Yevropa Berlege summitında Berlek citäkçeläre bilgeliäçäk. Ämma Törkiäneñ Yevropa Berlegenä äle kiläse 10 yılda kerüe kötelmi. Strasburg'ta Yevropa Şurasınıñ Parlamentar Assambleyasında yasağan çığışında premyer-ministr Recep Tayyip Erdoğan, Törkiä qulınnan kilgänne eşliäçäk, dip belderde: "Törkiä tiz genä Berlekkä kerer dip äytetep bulmıy. Älbättä, Törkiä bu maqsatqa nindider bilgele ber waqıtqa ireşergä teli. Häm bez monıñ öçen barısın da eşliäçäkbez," dide Törkiä premyer-ministrı. Yevropa Komissiäse xisabında şulay uq kiläse yılda Xorvatiägä äğzalıq turında söyläşülär başlaw täqdime bar, Rumıniä häm Bolğarstanğa isä – söyläşülärne bıyıl tämamalap – 2007nçe yılda Yevropa Berlegenä kerergä çaqıru bar.
XS
SM
MD
LG