Ximiädä Nobel büläge ike İzrael häm ber amerikan ğalimenä tapşırıldı. İzrael ximikları Aaron Ciechanover häm Avram Hershko, şulay uq amerikan ğalime İrwin Rose 1 million 360 meñ dollarlıq büläkne üzara büleşäçäk.
Şvetsiäneñ Fännär Akademiäse ğalimneñ 3se dä keşe immunitetın tikşerüdä yuğarı näticälärgä ireşte, dip belderde. Tikşerü näticäläre rak häm başqa şundıy moñarçı däwalanmıy torğan çirlärgä qarşı daru tabırğa yardäm itäçäk. Büläkläw turında Şvetsiä Fännär Akademiäse general sekretare Gunnar Oquist iğan itte. "Şvetsiä Fännär Akademiäse ximiädä 2004nçe yıl öçen Nobel bülägen Aaron Ciechanover, Avram Hershko häm İrwin Rose"qa tapşıru turında qarar qabul itte."
İzrael ğalime ikese dä Haifada eşli. Hershko çığışı belän Macarstannan. Rose – Californiä Universitetınnan.
