Accessibility links

Кайнар хәбәр

Ğiraqta xärbi bazağa intixar höcümendä 10 keşe hälak buldı


Başqaladan tönyaqkönbatışqa taba 260 çaqrım yıraqlıqta xärbi lagerğa bulğan intixar höcümendä 10 ğiraqlı hälak buldı, 20läp keşe yaralandı. Anda maşina şartlağan. Ğiraq häm Amerikan xärbi köçläre Bağdadnıñ könyağında häm Falluca şähärendä – ğısyançılar cıyılğan dip farazlanğan cirlärdä xärbi çaralar uzdırdı. 30ğa yaqın keşe qulğa alındı. Fallucada amerikan oçqıçları Abu Musab al-Zarkawi ğaskärlären utqa tottı. Xäzerge waqıtta al-Zarkawi'nıñ qayda bulğanı mäğlüm tügel, anıñ al-Qaida belän bäyläneştä toruı farazlana. Könyaqtağı Basra şähärendä britan ğaskärläreneñ tikşerü noqtası yanında bomba şartladı. Kimendä ber ğiraqlı hälak bulğan. Baquba şähärendä 4 keşe hälak bulğan. Ğiraq şiğiläre citäkçese Moqtada as-Sadr'nıñ wäkile Abdel-Hadi al-Daraji, waqıtlı Ğiraq xökümäte belän atışlarnı tuqtatu turında kileşü bulmadı, dip belderde. Bu turıda söyläşülär äle dä däwam itä, dide ul.
XS
SM
MD
LG