Accessibility links

Кайнар хәбәр

Ariel Şaron İzraelneñ "yul kartası" tınıçlıq planına tuğrı buluın belderde


İzrael xärbiläre bügen 7 fälestinlene atıp üterde. Alarnıñ 3se Gazadağı Kfar Darom isemle yähüd awılına ütep kerep fermada eşläwçe ber Tai keşesen ütergän, andağı İzrael xärbilärenä ut açqan bulğan. İzrael çığanaqları alarnıñ berse – Hamas äğzase ide dip xäbär itte. İzrael premyer-ministrı Ariel Şaronnıñ yaqın kiñäşçese Dov Weisglass, bügen Haaretz gazetında basılğan äñgämädä – İzraelneñ Gazadan çığıp kitüe – Fälestin däwläten tözü plannarın bilgesez waqıtqa kiçekterep torunı añlata, dip belderde. İzraelneñ bu pozisiäsen AQŞ prezidentı George Bush ta, Kongressnıñ ike palatası da xuplıy, di Weissglass. Ämma bu belderü Amerikanıñ Yaqın Könçığıştağı ozın möddätle plannarına qarşı kilä. Şaron, İzrael "yul kartası" iseme belän bilgele tınıçlıq planına tuğrı qala, dip belderde. Kiçä BMO İminlek Şurasında ğaräp illäre täqdime belän tawışqa quyılğan rezolüsiä ölgesenä Amerika Quşma Ştatları veto saldı. Anda İzraelne Gazadağı xärbi çaraların tuqtatırğa çaqıru bar ide. Amerikanıñ BMOdağı wäkile John Danforth, üzeneñ qararın bolay añlattı: "Qarşıda torğan rezolüsiä – terrorçılarnı xuplap qına qalmıy. Ul İzraelneñ reaksiäsen dä tuqtata almayaçaq. Bu tör rezolüsiä – terrorçılarğa tağın da kübräk köç birä, alarnı tağın başqa ğamälläregä etärä häm terrorçılarnıñ tınıçlıq protsessına kirtä salu kebek maqsatına ireşüenä kiterä", 11 il rezolüsiä ölgesen xupladı, Britaniä, Germaniä häm Rumıniä tawış birüdän totılıp qaldı.
XS
SM
MD
LG