Accessibility links

шимбә, 10 декабрь 2016, Казан вакыты 17:46

Latin älifbasına kem höcüm itä?


Bu könnärdä Tatarstanda latin älifbasın qanunlaştıru mäsäläse yañadan kütärelep çıqtı. Anı Rusiäneñ konstitusiä mäxmäse tikşerä, televidenie kanalları söyli häm Российская Газета bitlärendä latinğa küçü tatarlarnı büläçäk, digän eçtälekle xat basılıp çıqtı. Ul xatnı Rusiäneñ qayber töbäklärendä yäşägän millättäşlär imzalan dip kürsätelä.

Xäyer andıy xat monnan ike yıl elek basılğan ide inde. Şunısı qızıq qayber tatar zıyalılar isemennän yazılğan, süze süzgä üzgärtelmi berük waqıtta Omskida, Ästerxanda, Mäskäwdä tatarlarğa kilep ireşkän ide ul xat. Mäskäwdägese, yäşeren batırın tügel, turıdan turı Rusiä prezidentı apparatınnan şaltıratıp soraştırdılar. Sez latin alifbası yaqlımı, ällä qarşımı, digän sorawlar birelde ul çaqta. Şul soraw alulardan soñ matbuğatta basılıp çıqqan xatqa qul quyuçılarnıñ qayberläre, yuq min andıy xatqa qul quyğanım bulmadı, minem isemne qullanğannar dip, waz kiçtelär.

İnde yaña ğına Российская Газета bastırğan xatqa äylänep qaytsaq, anda da mäskäwlelär iseme bar. Şularnıñ berse kompozitor Almaz Monasıpov. Min Almaz abıyğa sez çınlap ta andıy xatnı kürgänegez buldımı, sez moña niçek qarıysız, dip telefonnan şaltıratıp soradım. Ul, min qarşı dip qul quyğanım yuq, dip belderde. Xatnı bu yulı da prezident apparatı oyıştırğan bulırğa oxşıy. Şunısı ğına gäcäpländerä, ni öçen soñ bu xatqa, Tatartsanda latin älifbası kertelü tatarlarnı tarqataçaq, digän eçtälek salınğan. Tatarlarnıñ berdämlege xaqında mondıy "qayğırtuçanlıqnıñ" Mäskäwdän äle işetelgäne yuq ide.

Näzifä Kärimova, Mäskäw

XS
SM
MD
LG