Accessibility links

шимбә, 3 декабрь 2016, Казан вакыты 05:35

Tatarstan Başqortstan belän duslığın nığıta


Pänceşämbe könne dä Tatarstanda milli, säyäsi waqiğalar bulmadı. Rusiä prezidentınıñ xakimiät vertikal'läşterü çaraları, anıñ östenä xäref, älifba reformasına ğomum Rusiä däräcäsendä qarşılıq oyıştıru, älbättä, Tatarstan cämäğätçelegen häm citäkçelegen saq bulırğa mäcbür itä. Qurqaqlar qayadır başın qomğa tığıp yata, ikençeläre, xucalıq, iqtisat mäs’äläläre belän yuana. Tem bolee digändäy, xucalıq häm finans, sotsial' tarmaqlarında härqaydağıça tatarstanda da eşlär kierenke. Yaña yılda Tatarstanda xosusıy avtobuslarda da, däwlät maşinalarında da ber ük bäyä bulaçaq. Monıñ öçen respublikadağı avtotransport şirkätläre xosusıylaştırıla. Xäzergä Tatarstanda transport şirkätläreneñ 50 protsentı däwlätneke. Tatarstannıñ 13 şirkäte Rusiäneñ iñ zur kompaniäläre reyting isemlegenä eläkkän. Alar arasında Tatneft', KamAZ, Tatenergo, vertolet, motorlar tözü häm başqa şirkätlär bar.

Milli eşlärgä kilgändä, Başqortstan belän eşlär caylıraq barsın ide, digän niät tağı da köçäyä. Pänceşämbe irtäsendä ike respublika arasındağı ruxi-mädäni xezmättäşlek söyläşüläre alıp baruçı delegatsiä Ufağa kitte. Anı akademik İndus Tahirov citäkli. Ufada respublika köne yaqınlaşuğa täğäyenlängän oçraşuda qatnaşıp, bu delegatsiä Başqortstan kollegaları belän urtaq eş planın imzalaw öçen kitte. Tatar ictimaği üzäge Xäter könenä äzerlek buyınça utırış häm matbuğat oçraşu ütkärde.

Rimzil Wäli

XS
SM
MD
LG