Accessibility links

шимбә, 3 декабрь 2016, Казан вакыты 05:43

BMO ilçese: Äfganstan üzgäreşlär busağasında tora


BMOsı general sekretarı K.Annannıñ tınıçlıq ilçelärennän berse Anna Cataldi äle yaña ğına Äfganstannan qayttı. Ul Azatlıq radiosına äfgannnar şimbädä ütkäräçäk prezident saylawlarınıñ irekle ğädel ütüen garantiäläw öçen bik zur qıyınlıqlar aldında tora dide .Äfgannarnıñ zur öleşe saylawlar belän tanış tügel, namzätlärne dä alar bik az belä.İminlek zur borçılu tudıra.Waqıtlı prezident H. Qarzai şimbä saylawlarında ciñep çığar dip kötelä.Cataldi başqa namzätlär Qarzainıñ säyäxät häm iminlek mäsälälärendäge östenleklärenä şiqäyät belderä dip äytte .

Anna Cataldi 25 yıl buyı suğış häm yanau astında yäşägän äfgannnar öçen demokratik saylawlar konsepsiäse ällä nindi serle,añlaşılmağan eş bulıp tora dip äytte..A.Cataldi xoquq yaqlawçı bularaq Balkannnan Afrikağa qädär törle konflikt zonalarında bulğan häm Sarayevodan xatlar isemle äsärneñ aftorı. Anda suğışnıñ Bosnia balalarına täsire añlatıla.K.Annannıñ tınıçlıq ilçeläre arasında eleke bokser Möxammäd Ali , opera cırçısı Luciano Pavoratti häm Nobel tınıçlıq bülägen alğan Elie Wiesel dä bar.A.Cataldi NYtan radiobızğa birgän ängämädä ildä iminlek bulmawı, ilneñ bik zur buluı säbäple prezident namzätläreneñ zur öleşe üz kündermälären xalıqqa citkerä almadı dip äytte. Ul taliban cimerelgännän soñ Qabulda tormış küzgä kürenerdi däräcädä yaxşırdı ämma Qabuldan çitkä çığıp yörü qurqınıçlı di(audio) Namzätlär H.QArzai AQŞ yäki koalitsiä oçqıçların qullandı, başqa kandidatlarnıñ andıy mömkinçelege yuq ide dip şiqäyät itte. Şulay da Qarzaiğa Qabuldan çittä xätta üz yortınnan çığıp yörü dä bik qıyın dip äytte. Äfgan xalqına saylawlar konsepsiäse yaxşı itep añlatıla almadı, uqu yaza belmäwçelär, bigräk tä xatın qızlar arasında bik küp. Cataldi şimbä saylawlarında başqa ber qıyınlıq isä saylawçılarnıñ tanıqlıq dokumentı öçen foto räsemgä töşüne kire qağuı dip söyläde(audio) Tanıqlıq dokumentı birü bik qıyın eş buldı.Bigräk tä paştunnarnıñ qırıs dini qağıydäläre keşe suräten tıya. xatın qızlar üterelüdän qurıqtı.Alar foto räsemgä töşmäsennär dip kisätelgän ide. Näticädä Äfganstanda terkälü öçen foto räsem taläp itelmäde.Cataldi bu kirtälärgä qaramastan 10million 600meñ keşe terkälde, alarnıñ yartısı xatın qız di. Xoquq yaqlaw aktivistı xanım şimbä saylawlarınıñ ezlekle näticäse turında saqlıq kürsätsä dä, ul kiläçäk öçen bigräk tä zur şähärlärdä Talibannan soñ bulğan üzgäreşlärne küzdä totqanda ömed bar dip söyli.Cataldi süzlärençä qaytqan möxacirlärnıñ qayberlärendä aqça bar,alar şunduq bizesenqa kereşä.Äfganstanda keçkenä käsepxanälär sanı arta bara(audio) cimerek şahärlär urtasında zur saraylar salına Kibetlär açıla.İldä nindider üzgäreş baruın küräsen. bu bik näzberek ber mizgel , bik näzberek. Monıñ ilne tınıçsızlıqqa alıp baruı da mömkin dip söyli. Cataldi cirle qabilä başlıqları,törkem citäkçeläreneñ şaqtıy qına täsirgä iä buluın äytte.Saylawlarğa ber kön qalğanda bügen Äfganstannıñ törle şähärlärendä bombalar şartladı. İldä 100meñnnän artıq äfgan häm çit il xärbiläre iminlekne saqlıy färidä xämit
XS
SM
MD
LG