Accessibility links

Кайнар хәбәр

Ğaräp televideniäse Ğiraqtağı britan totığı Kenneth Bigley üterelde dip xäbär itte


Abu Dabi televideniäse Ğiraqtağı britan totığı Kenneth Bigley'nıñ başı kiselgän dip xäbär itte, bu xäbärne ışanıçlı çığanaqlardan alğanın belderde, ämma bu xaqta tulıraq mäğlümat birmäde. Britaniäneñ Sky News kanalı da, premyer-ministr Tony Blair'nıñ matbuğat xezmätennän alğan mäğlümatkä nigezlänep – Bigley'nı ütergännär dip xäbär itte. Bu xäbärne älegä Ğiraq yä Britaniäneñ räsmi çığanaqları raslamadı. İke amerikan belän bergä Bigley 16nçı sintäber könne Bağdadta üz öylärennän urlanğan ide. Totıq aluçılar – Jordanlı suğışçı Abu Musab al-Zarqawi citäkçelegendä eşçänlek alıp bara dip farazlana. İke amerikan totıq itep alınğaç berniçä kön soñıraq üterelde. Germaniä xökümäteneñ Berlindağı matbuğat wäkile, Ğiraqnıñ yuğarı xärbi ofiserları Münxen yanındağı Ober-ammergau'da NATO mäktäbendä öyränülärgä qatnaşaçaq, dip xäbär itte. Berençe xärbilärne kiläse yıl başında qabul itü küzdä totıla. Germaniä üze Ğiraqta NATO kurslarında qatnaşudan baş tartqan ide, ämma Ğiraqqa yaqın illärdä xärbi künegülär uzdıraçağın belderde. 1953nçe yıldan birle NATO mäktäbe – iminlek saqlaw, nizaqlarnı çişü häm küp millätle xärbi çaralar uzdıru, barlığı 80 kurs täqdim itä. Här kurstta 20gä yaqın ildän kilgän 180 ofiser qatnaşa. Bu mäktäptä Rusiä, Ukraina häm Üzäk Aziä xärbiläre dä uqıp kitte.
XS
SM
MD
LG