Accessibility links

Кайнар хәбәр

Nobel tınıçlıq büläge Afrikada tirä yaq möhitne saqlawçı Wangani Maathai''ğa tapşırıldı


Bügen Norvegiä başqalasında 2004nçe yıl öçen Nobel tınıçlıq büläge iäse iseme iğlan itelde. Büläk Kenyalı xatın-qız tirä yaq möhitne saqlawçı Wangari Maathai'ğa tapşırıldı. Bu xaqta Norvegiä Nobel Komitetı başlığı Ole Danbolt Mjoes iğlan itte: "Tirä yaqnı saqlaw, demokratiä häm tınıçlıq yulındağı xezmäte öçen 2004nçe yılğı Nobel tınıçlıq büläge Wangani Maathai'ğa birelä." Kenyanıñ Ekologiä ministrı urınbasarı Maathai, bu büläkne alğan berençe afrikan xatın-qızı buldı. Maathai Afrikanıñ yäşellär xäräkäte citäkçese. Bu xäräkät qitğada barlığı 30 millionnan artıq ağaç utırtqan. Xäräkät 1977nçe yılda tözelgän. Anıñ maqsatı – tirä yaq möhitne saqlaw, eş urınnarı buldıru häm xatın-qızlarğa cämğiättä üz urınnarın tabırğa yardäm itü.
XS
SM
MD
LG