Bügen Fransiä premyer-ministrı Jean Pierr Raffarin, başqalada İndoneziä ilçelege yanında bulğan şartlawnı centekläp tikşerergä wağdä itte. Höcümdä 9 keşe yaralanğan. Şartlatqıç ilçelek yanında qaldırılğan ber buqçada bulğan. Vietnamda säfärdä bulğan Fransiä prezidentı Jacques Chirac höcüm "İndoneziä mänfäğätlärenä ziyan kiterde" dip belderde: "Şartlaw turında miña şunda uq xäbär ittelär. Bu – İndoneziä mänfäğätläre häm ilneñ Fransiädäge wäkilçelegenä qarşı kilgän cinäyät," dide Fransiä prezidentı.
İndoneziä prezidentı Susilo Bambang Yudhoyono höcümne kisken täñqitläp çıqtı. İlneñ tışqı eşlär ministrlığı dönyadağı İndoneziä ilçeklärendä iminlekne arttırırğa quştı.
