Tbilisi. Bügen biregä, ğäskäri kiem häm başqa xärbi kiräk-yaraqlar töyälgän amerikan yök oçqıçı kilde, Quşma Ştatlarnıñ Gruziägä cibärgän şuşı yardämneñ aqçalata bäyäse million dollardan artıq dip xäbär itelä. Amerikannarnıñ xärbi yardäme öleşçä Ğiraqqa kitäçäk gruzin ğäskäriläre öçen cibärelä. Gruziäneñ anda 159 xärbie xezmät itä häm Tbilisidäge xökümät ay azağına qädär alar sanın arttırırğa wäğdä itkän ide. Şuşı yök töyälgän oçqıçnı qarşılarğa hawa alanına Gruziä prezidentı Mixail Saakaşvili üze kilgän ide.
