Accessibility links

якшәмбе, 11 декабрь 2016, Казан вакыты 16:54

İlgiz Qadıyrov – eşlägän keşe qartaymıy


TR mädäniät ministrlığı qarşında xalıq icat üzäge eşläp kilä. Bu üzäktä Tatarstannan çittä yäşägän tatarlarğa, mädäniät xezmätkärlärenä yärdäm kürsätüçe bülek eşli. Tatar mädäniäten çit töbäklärdä üsterü öçen Rossiäneñ törle töbäklärenä , mäsälän - Ästerxan, Sverdlovskiy, Başqortstan, Komi, Penza, Tübän Novgorod yaqlarınnan alıp, Perm, Tömän, İjaw, Çiläbe Semipalat, häm Yıraq Könçığıştağı Bayqal, İrkutskilarğa qädär tatar mädäni tormışına yärdäm itüçe -İlgiz Qadıyrovnı bik küplär belä, härqayda anı xörmät itälär. Bügen İlgiz Qadıyrov Azatlıq radiosında qunaqta. “Bu bülek 1998 yılnıñ 1октябрендә (aña inde menä 15 yıl tuldı) RF häm BDB illäre mädäniät oyışmalarına, tatar mädäniät üzäklärenä häm milli cämğiätlärgä xalıq icat ölkäsendä yärdäm itü bülege dip oyıştı. Şuşı 15 yıl däwerdä bez Qazan şähärenä çit ölkälärdä tatarlar belän eşläwçe mädäniät xezmätkärlärenä seminar praktikumnar ütkärdek. 21 seminarda 600 dän artıq xezmätkär qatnaştı. İkençe töp yünäleş: çit ölkälärgä çığıp üzebezneñ belgeçlär yärdämendä seminar –praktikumnar ütkäräbez. Bu mäs'älä buyınça 16 seminar ütkärdek.Şuşı seminarlarda üzebezneñ belgeçlär, xoreograf Liliä Möxämmätşina, metodist - Ruşan Nasriev, bülek mödire- Fäniä Xäsänova qatnaştı. Andıy seminarlar Tömän , İjaw,Kurgan, Sverdlovskiy, Ästerxan, Orenburg, Tübän Novgorod häm başqa ölkälärdä ütte. 25 ölkädän kildelär. Alarğa tatar xalıq traditsiälären çağıldırğan kiçälär, bäyrämnär: zıyalılarğa bağışlanğan kiçälärne , Sabantuy bäyrämnären, Näwrüz, Narduğan bäyrämnären niçek uzdıru turında törle leksiälär uqibız. Kiç belän törle mädäni çaralar uzdırabız. Awıllarğa alıp barabız.Alar şul atna un kön eçendä çın tatar bulıp qaytıp kitälär.”-dide ul. İlgiz Qadıyrov şulay uq Başqortstannıñ kollektivları turında da , Yıraq Könçığıştağı İrkutstiy, Semipalat yaqlarındağı konkurslardağı jürilarda qatnaşqannarı turında da, Azatlıq xäbärçeläreneñ mondıy çaralar turında daimi xäbär itep torğan xäbärçelären dä äytep uzdı häm bik şatlanıp, täfsilläp söyläde . Tatarstannıñ mädäniät ministrlığı qarşındağı xalıq icat üzägendä eşläwçe İlgiz Qadıyrov üze ber zur milli oyışma, yäki institut qädär eş başqara. Bıyıl anıñ yäşe 65 citsä dä , İlgiz äfände yäş yegetlärçä mölayım, häm yegärle. Eşlägän keşe qartaymıy şul.

Azatlıq radiosı Mälikä Basıyr, Qazan.

XS
SM
MD
LG