Accessibility links

сишәмбе, 6 декабрь 2016, Казан вакыты 13:11

Ğiraqta totıqlar aluçı 7 keşe qulğa alındı


Ğiraq politsiäse äytüençä, bügen irtän Ğiraqnıñ Kirkük şähärendä totıqlar alu belän şöğellängän iñ ere törkem äğzaları dip isäplänelüçe 7 keşe qulğa alınğan, ğiraqlı 2 totıq azat itelgän. Älege reyd waqıtında ber öydä küpsanlı qorallar, şul isäptän minaatqıçlar, aftomat qorallar häm granatalar tabılğan. Ul arada üzlären Äbü Mussab äz-Zarqäwi suğışçan törkeme äğzaları dip tanıtuçı qorallı keşelär Dubaydağı äl-Arabia televideniese aşa kürsätelgän videotasmada ber Törek totıqnıñ başın kisü belän yanadı. Älege videoda bu törkem törmälärdän barlıq ğiraqlılarnı çığarunı häm barlıq törek watandaşlarınıñ Ğiraqtan kitüen taläp itte. Bügen ilneñ tönyağındağı Mosul şähärendä intixarçı şartlatuçı maşinasındağı bomba belän AQŞ xärbi konvoyına höcüm itte. Qorbannar sanı älegä bilgele tügel. Kilgän xäbärlärgä qarağanda, Bağdadnıñ şığıylar yäşi torğan öleşendä suğışçan din ähele Moqtada äs-Sadrğa tuğrılıqlı suğışçılar atışlarnı tuqtatu kileşüe nigezendä qoralların tapşıra başlağan.

XS
SM
MD
LG