Accessibility links

пәнҗешәмбе, 8 декабрь 2016, Казан вакыты 19:20

Tatarstanda igençelärne zurladılar


Tatarstanda awıl xucalığı xezmätkärläre köne zurlap ütkärelde. Piramida tamaşalar zalında ütkän tantanalı cıyılışta TRespublikası Prezidentı, premyer ministr, däwlät sovetı räise, bar xökümät äğzaları, şähär häm rayon başlıqları qatnaştı. Bıyıl Tatarstan 4 mln 200 meñ tonna ikmäk cıyıp aldı. Başqa kul'turalardan da uñış yuğarı. Terlekçelektä dä üseş bar. Bıyılnıñ tuğız ayında awıl xucalığı produktın citeşterü 5,6 protsenttan artqan. Rusiädä bu kürsätkeç 1,5 protsentqa tübän töşkän. Cıyılışta çığış yasağanda, äle genä yaldan qaytqan M.Şäymiev, awıl xucalığı turında ğına tügel, ä Rusiäneñ xakimiät reforması turında da üz fikeren äytkän. Tatarstan prezidentı Putinnıñ vertikale zur respublikalar belän kiñäşmiçä tözelmi, bezgä zıyan kilergä tieş tügel, dip beldergän. Säyäsät häm apparat tiräsendä qatnaşuçılar, bigräk tä çinovniklar berqayda da äytelmi häm yazılmıy torğan xaqiqätkä kübräk ışana. Alar prezident yaldan qaytqaç idärä strukturalarına, kadrlar sostavına nindider üzgäreşlär kerter dip kötkän ide. Xäzergä bu ser bulıp qala. Kem urınında qala, qaysı tarmaq üzgärä - kem äytmeşli, busı bi mäğlüm.

XS
SM
MD
LG