Accessibility links

сишәмбе, 6 декабрь 2016, Казан вакыты 03:58

Yevropa Berlege Liviägä quyğan embargonı köçtän çığardı, ämma Qıtay turındağı qararın kiçekterde


Yevropa Berlegeneñ tışqı eşlär ministırları düşämbedä Luxembourgta ütkärgän oçraşuda ,18yıl elek Liviägä quyılğan iqtisadi çikläwlär şulsanda qoral embargosın köçtän çığarırğa qarar birde.Moña Tripolinıñ ütkän yıl azağında küpläp üterü qoralları programmasınnan wazkiçüe säbäp bulsa da ,Berlek räsmiläreneñ Liviäne legal bulmağan imigrantlarğa qarşı köräştä qatnaştıru teläge andıy qarar çığaruda töp faktorlardan berse buldı. Läkin Yevropa Berlege tışqı eşlär ministırları AQŞnıñ basımına qaramastan QItayğa quyılğan qoral embargosın köçtän çığaru turında kileşä almadı.

Liviägä quyılğan sanksiälär häm qoral embargosın beterü turındağı qarar, Yevropa Berlege häm AQŞnıñ rol uynağan ozın protsesnıñ azağı bulıp tora. Düşämbedä Britaniä tışqı eşlär ministırı J.Straw bolay dip äytte(audio) Yevropa Berlege tışqı eşlär ministırları äle genä Berlekneñ Liviägä quyğan qoral embargosın tulısınça köçtän çığaru turında kileşte.Bu qarar Liviäneñ bez sorağança küpläp üterü qoralları programmasınnan tulısınça wazkiçüen raslağannan soñ qabul itelde. Qoral mäsäläse ütkän yıl azağında başlıça AQŞ mäşğül bulıp xäl qılınğan berden ber mäsälä tügel. Liviä 2003nçe yılda AQŞ häm Britaniä belän kileşep , 1988nçe yılda Şotlandiädä bärep töşergän oçqıç öçen cawaplılıqnı üz östenä aldı.Şunnan soñ ber ay ütkäç BMO İminlek Şurası Tripoligä 1992-nçe yılda quyğan iqtisadi çikläwlärne köçtän çığardı. Diplomatlar äytüençä ,Berlek ministırları düşämbedä BMO qararına kileşle xäräkät itep ekonomik sanksiälärne beterde.Liviä Germaniädge diskotekadağı şartlaw öçen dä cawaplılıqnı alıp, Berlin belän kileşte.Mondıy adımnar atlanğannan soñ T.Blair Tripoligä bardı. M.Qaddafi Brüsseldä qunaq bulıp kitte. İyün ayında AQŞ Liviä belän diplomatik mönäsäbätlären torğızdı.Berlekneñ urınınnan kitäçäk tışqı mäsälälär komisarı Chris Patten süzlärençä(audio) Minemçä Liviä xalıqara cämäğätçelek belän xezmättäşlekne nıq yaxşırttı.Ütkändä bulğan däxşätle insidentlar nixäyät çişelep , yabıldı. Min Liviä belän yaxşıraq mönäsäbätlär urnaştıru öçen waqıt citkän dip ömed itäm. Sanksiälärne köçtän çığaruda başqa strategik uylar da rol uynadı älbättä. Liviä Tönyaq Afrikada Berlekneñ Barselona prosesı dip atalğan yardäm programmasına imza quyğan berdänber il .Berlek räsmiläre Tripolinı bik teläp aldılar. Bu programma, AQŞnıñ kiñräk yaqın könçığışta demokratiä urnaştıru inisiativasına bik oşıy. İtaliağa ireşüne mäqsat itep quyğan legal bulmağan meñnärçä imigrant ay sayın Liviädän ütä . Tripoli bu eştä xezmättäşlek itsä moxacirlarnı tuqtatıp bulaçaq. Şunlıqtan İtalia qoral embargosın beterü öçen nıq tırıştı.Rim Liviägä legal bulmağan imigrantlarnı kontrol itü öçen yar saqçı korapları häm başqa cihazlar satu belän qızıqsına .100meñ moxacir Liviä lagerlarında yäşi dip xabär itelä.Qayberäwlär Liviägä quyılğan qoral embargosın beterü, bälkim dä Liviädä ülem cazasına xökem itelgän 5 bolğar medsistarnı qotqaruda etärgeç bulır dip ömed itä. Medsestralar 100lärçä liviä balasına belä torıp spid yoqtıruda ğäyeplänä. Xoquq yaqlaw törkemnäre Liviä xastaxanä häm klinikalarında naçar, imin bulmağan praktikaların yäşerü öçen sestralarnı qullana digän qaraşta.Brükseldağı räsmilär embargonı beterü Qaddafigä qarağanda İtalian xökümäte öçen aşığıçraq eş ide dip söyli. Liviägä quyılğan sanksiälärne köçtä çığaru turında kileşkän Berlek ministırları, bloknıñ 15yıl elek Qıtayğa qoral satuğa quyğan çikläwlärne köçtän çağaruda kileşä almadı.Fransiä bu eştä citäkçelek itsä dä Berlekneñ älege prezidentı Gollandiänıñ tışqı eşlär minsitırı Ben Bot Luxembourgta jurnalistlarğa bu mäsälädä konsensusqa ireşü öçen kübräk waqıt kiräk digän.AQŞ Qıtayğa quyılğan qoral embargosın köçtän çığaru Könçığış Aziädä totrıqlılıqnı zäğiflätä ala häm anda keşe xoquqların yaxşırtu tırışlıqlarına zian kiterä ala dip belderep kilä. Britaniä, Şwedsiä, Daniä häm Berlekneñ könçığış Yevropa äzğaları da bu fikerne urtaqlaşa färidä xämit
XS
SM
MD
LG