Saylaular qabatlanaçaqmı, ällä ul qayber töbäklärdä genä yañadan bulaçaqmı digän farazlar barğanda, Abxaziä Üzäk Saulau Komissiäse räiseneñ urınbasarı Aleksander Adlayba Düşämbedä kiçen oppozitsiä taraftarları aldında kötelmägändä çığış yasap bolay dide.
Audio
ORT xäbärençä, bu näticägä dürt säğätkä suzılğan bäxäslärdän soñ ireşelgän. Adlayba süzlärençä, komissiäneñ 15 ağzasınıñ 11-e monı yaqlağan. Maqsät Abxaziädä politik konfrontatsiäne buldırmau ikän. Läkin, berniçä säğättän soñ Üzäk Saylau Komissiäse räise Sergey Smır häm anıñ ike urınbasarı protest belderep postlarınnan kittelär. Ciñelgän kandidat Raul Xacimba Sişämbedä Suxumidä Üzäk Saylau Komissiäse binası aldında yasaşan çığışında , köndäşen saylau räsmilärinä basım yasauda ğäyeläde häm tınıç protestlar dävam itäçäk dip äytte.
Audio
"Opponentlarıbıznıñ bu adımı qanuni bulmadı. Bez bäxäsne mäxkämädä xäl qılırğa uylağan idek. Alar isä monıñ urnına Üzäk Saylau Komissiäsenä üzlärenä turı kilgän qarar qabul itsen dip basım yasadılar. Bez tınıç yullar belän genä ğadellek buldırırğa tırışaçaqbız. Bezneñ taraftarlarıbız monda kilep, Abxaziäneñ tulısınça Sergey Vasilyiveç Bagapşnı yaqlamauın kürsätäçäklär."
Törle millätçe törkemnär tarafınan yaqlanğan Bagapş ber kön elegeräk politik ışanularına qamasatan, barlıq abxazlarnıñ prezidentı bulaçağın belderde.
Audio
"Miña qolaq salığız. Ber näsäne añlağız. Respublika belän idarä itärgä kilgännär , kemgä tauış birülärenä qaramıyça, barlıq vatandaşlarnıñ igelege öçen tırışaçaqlar. Bez qıyın saylaular çorın üttek. Xäzer alda konstruktiv eş kötä."
Üzäk Saylau Komssiäse iğlan itkän näticälärgä kürä, Bagapş saylauçılarnıñ 51 protsentınıñ tauışın alğan. Bu sanğa näticäläre turında bäxäs çıqqan Gali regionınıñ tauışları da kerä. 1990-nçe yıllarda Abxaziägä Görcstannan ayırılıp çığarğa yardäm itkän häm ul vaqıttan birle anıñ belän yaqın mönäsäbät totqan Russiä soñğı qararğa saqlıq belän reaksiä kürsätte. Russiäneñ tışqı eşlär ministere Lavrov Bişkäktä yasağan çığışında bu qarar Mäskäv öçen kötelmägän adım buldı dip işarä itte.
Audio
"Vazğiät anıq tügel. Soñğı mäğlümätlär dä mindä yuq. Başta Üzäk saylau komissiäse saylaular näticäsen iğlan itte digän xäbär işettek. Soñğa anıñ räise çigende dip belderelde. Russiä BDB teritoriälärendä barlıq konfliktlarnıñ tizlek belän häm ireşelgän kileşülärgä esasän cişelüen teli."
Bagapş Xacimbağa qarağanda azıraq Mäskäv yaqlı bulsa da, ul ike aradağı mönäsäbätlärne üzgärter dip kötelmi. Çınnan da ul Düşämbedä yasağan çığışında Russiä belän mönäsäbätlärne xätta küberäk täräqqi itteräçägen dä belderde.
Audio
"Bezneñ töp politik maqästebez üzgärmi. Bez uzğanda Russiä belän idek, häm Russiä belän qalaçaqbız da. Bez bu mönäsäbätlärne nığıtıp, yuğarıraq däräcägä citkeräçäkbez."
Bagapş bu xaqta Xacimbağa tauış birgännärne tınıçlandıru öçenme beldergänder , yäisä bu Russiä belän nindider añlaşuğa ireşelgänen çağıldıramı, anısı bilgesez. Üzäk Saylau Komissisäeneñ qararına qamastan, Abxaziädä prezidentlıq mäsäläse xäl itelde dip qätği räveştä äytep bulmıy. Monı Abxaziäne yaña premiere Nodar Xaşbanıñ belderüe dä kürsätä.
Audio
"Barığıznı da tınıç bulırğa. berberegezne xörmät itärgä çaqıram. Barlıq mäsälälärebezne xäl qılu öçen berdän ber yul ul qanun yulı. Qänäğätlek belän şunı äytä alam- Prezidenlıqqa kandidatlar minem belän kileştelär häm bezneñ alar belän konstruktiv dialogıbız dävam itä."
Şulay Abxaziädä prezidentlıq mäsäläsenä äle noqta quyılmadı.
Färit İdelle, Praga.
Audio
ORT xäbärençä, bu näticägä dürt säğätkä suzılğan bäxäslärdän soñ ireşelgän. Adlayba süzlärençä, komissiäneñ 15 ağzasınıñ 11-e monı yaqlağan. Maqsät Abxaziädä politik konfrontatsiäne buldırmau ikän. Läkin, berniçä säğättän soñ Üzäk Saylau Komissiäse räise Sergey Smır häm anıñ ike urınbasarı protest belderep postlarınnan kittelär. Ciñelgän kandidat Raul Xacimba Sişämbedä Suxumidä Üzäk Saylau Komissiäse binası aldında yasaşan çığışında , köndäşen saylau räsmilärinä basım yasauda ğäyeläde häm tınıç protestlar dävam itäçäk dip äytte.
Audio
"Opponentlarıbıznıñ bu adımı qanuni bulmadı. Bez bäxäsne mäxkämädä xäl qılırğa uylağan idek. Alar isä monıñ urnına Üzäk Saylau Komissiäsenä üzlärenä turı kilgän qarar qabul itsen dip basım yasadılar. Bez tınıç yullar belän genä ğadellek buldırırğa tırışaçaqbız. Bezneñ taraftarlarıbız monda kilep, Abxaziäneñ tulısınça Sergey Vasilyiveç Bagapşnı yaqlamauın kürsätäçäklär."
Törle millätçe törkemnär tarafınan yaqlanğan Bagapş ber kön elegeräk politik ışanularına qamasatan, barlıq abxazlarnıñ prezidentı bulaçağın belderde.
Audio
"Miña qolaq salığız. Ber näsäne añlağız. Respublika belän idarä itärgä kilgännär , kemgä tauış birülärenä qaramıyça, barlıq vatandaşlarnıñ igelege öçen tırışaçaqlar. Bez qıyın saylaular çorın üttek. Xäzer alda konstruktiv eş kötä."
Üzäk Saylau Komssiäse iğlan itkän näticälärgä kürä, Bagapş saylauçılarnıñ 51 protsentınıñ tauışın alğan. Bu sanğa näticäläre turında bäxäs çıqqan Gali regionınıñ tauışları da kerä. 1990-nçe yıllarda Abxaziägä Görcstannan ayırılıp çığarğa yardäm itkän häm ul vaqıttan birle anıñ belän yaqın mönäsäbät totqan Russiä soñğı qararğa saqlıq belän reaksiä kürsätte. Russiäneñ tışqı eşlär ministere Lavrov Bişkäktä yasağan çığışında bu qarar Mäskäv öçen kötelmägän adım buldı dip işarä itte.
Audio
"Vazğiät anıq tügel. Soñğı mäğlümätlär dä mindä yuq. Başta Üzäk saylau komissiäse saylaular näticäsen iğlan itte digän xäbär işettek. Soñğa anıñ räise çigende dip belderelde. Russiä BDB teritoriälärendä barlıq konfliktlarnıñ tizlek belän häm ireşelgän kileşülärgä esasän cişelüen teli."
Bagapş Xacimbağa qarağanda azıraq Mäskäv yaqlı bulsa da, ul ike aradağı mönäsäbätlärne üzgärter dip kötelmi. Çınnan da ul Düşämbedä yasağan çığışında Russiä belän mönäsäbätlärne xätta küberäk täräqqi itteräçägen dä belderde.
Audio
"Bezneñ töp politik maqästebez üzgärmi. Bez uzğanda Russiä belän idek, häm Russiä belän qalaçaqbız da. Bez bu mönäsäbätlärne nığıtıp, yuğarıraq däräcägä citkeräçäkbez."
Bagapş bu xaqta Xacimbağa tauış birgännärne tınıçlandıru öçenme beldergänder , yäisä bu Russiä belän nindider añlaşuğa ireşelgänen çağıldıramı, anısı bilgesez. Üzäk Saylau Komissisäeneñ qararına qamastan, Abxaziädä prezidentlıq mäsäläse xäl itelde dip qätği räveştä äytep bulmıy. Monı Abxaziäne yaña premiere Nodar Xaşbanıñ belderüe dä kürsätä.
Audio
"Barığıznı da tınıç bulırğa. berberegezne xörmät itärgä çaqıram. Barlıq mäsälälärebezne xäl qılu öçen berdän ber yul ul qanun yulı. Qänäğätlek belän şunı äytä alam- Prezidenlıqqa kandidatlar minem belän kileştelär häm bezneñ alar belän konstruktiv dialogıbız dävam itä."
Şulay Abxaziädä prezidentlıq mäsäläsenä äle noqta quyılmadı.
Färit İdelle, Praga.