AQŞ köçläre sönni ğisyançılarğa qarşı xärbi operatsiälären köçäytte.
Xärbi oçqıçlar Fällücä şähärenä ike märtäbä höcüm itep ber restorannı, häm ber yortnı cimerde. AQŞ xärbiläre äytüençä, alarnı Äbü Musab äz-Zärqäwi suğışçıları faydalanğan bulğan. Şähär xastaxanäsennän alınğan mäğlümätkä qarağanda kimendä 5 keşe hälak bulğan, ikäw yaralanğan.
Qaim şähäre yanında hawa höcüme näticäsendä, xastaxanä xezmätkärläre äytüençä, kimendä 15 ğiraqlı hälak bulğan, Hit şähärendä 2 keşe hälak bulğan.
Ramadi şähärendä AQŞ xärbiläre yardämendä Ğiraq köçläre ğisyançılarnı yaqlıy dip şiklänelgän 7 mäçetne tikşerde. Möselman Ğölämälär Berläşmäseneñ töbäktäge citäkçese Abdel Alim äs-Saadi totqarlanğan.
