Bügen İzrail' Fälestin suğışçılarına höcüm itep radikal Hamas törkemeneñ Hebrondağı citäkçese İmad Qawasmehne qulğa aldı, kimendä 2 aktivistnı üterde.
İzrail' saqlanu ministrı Şaul Mofaz äytüençä, Qawasmeh avgust ayında Beerşiva şähärendä bulğan ike intixar terror höcümen oyıştıruçı dip sanala.
Bügen Gazadağı Beit Lahiya şähärendä İzrail' boralağı ber yortqa raketa attı. Hamasnıñ ber suğışçısı ülgän, tağın ikäw yaralanğan dip xäbär itelä.
Şul tirägä atılğan başqa ber raketa äl-Aqsa fidaiları törkemeneñ ber aktivistın ütergän.
Bügen Gazada mätkäptä därestä utırğan waqıtta İzrail' xärbiläre utınnan yaralanğan 11 yäşlek fälestin qızı ülde. İzrail' armiäse Gazanıñ tönyağında xärbi operatsiälären kiñäytep Beit Lahiya şähären okkupatsiäläde.
