Bu sannar äle räsmi bäyän itelmägän. Şuşı könnärdä genä iñ soñğı mäğlümatlärne Mäskäwdän Başqortstannıñ milli säyäsäte belgeçe İldar Ğabdrafikov alıp qayttı. 2002 yılğı xalıq sanın alu yomğaqları näticälärenä qarağanda, Başqortstanda barlığı 4 04 336 keşe terkälgän. Şularnıñ 1 490 715 - urıslar. Alar xalıqnıñ 36% täşkil itä. İkençe urınğa 1 221 302 meñ keşe belän başqortlar çıqqan. Alar 30%qa yaqın dip isäplänä. Ä tatarlarnıñ sanı 990 702 keşegä genä torıp qalğan, bu nibarı 24% digän süz. Şulay itep, ike tapqır xalıq sanın alular arasında Başqortstan tatarları 131 meñgä kimegän, ä başqortlar, kiresençä, 360 meñgä artqan bulıp çığa. Etnosäyäsätçe İldar Ğabdrafikov fikerençä, bu sannar 2002 yılğı xalıq isäben alular barışında mutlaşular bulu turındağı farazlarnı tulısınça raslıy. Tulıraq mäğlümat Azatlıqnıñ çärşämbe tapşıruında.
