Accessibility links

сишәмбе, 6 декабрь 2016, Казан вакыты 06:01

Abxaziädä prezidentlıqqa namzät Bagapşnıñ radiobız xäbärçesenä ängämäse.


Soñğı un köndä Sergey Bagapş Abxaziä respublikasınıñ citäkcese urnı öçen ıñ köçle namzät xälenä kilde. Ul prezident Vladislav Arcinbanıñ urnın alır öçen citärlek tauış alğanın däğvä itä. Anıñ köndäşläre saylaularda xärämläşülär buldı dip saylau näticäsen qabul itärgä telämilär. Radiobız x ezmätkäreneñ anıñ belän kiçä ütkärgän ängämäse.

Abxaziäneñ Üzäk Saylau komissiäse düşömbedä oppozitsiä kandidatı Sergey Bagapş prezident saylaularında 50 protsenttan küberäk tauış alıp ciñep çıqtı dip kötelmägändä iğlan itte. Läkin, älege prezident Ardzinba bu qarar Bagapş kamapniä ştabınıñ basımı säbäple qabul itelde häm qanui tügel dip belderde. Ul şulay uq kandidatnı respublikanı qan qoyuğa alıp baruda ğäyepläde. Bagapş radiobız xezmätkärenä Çärşämbe könne birgän intervyusında bu ğäyeplävlärne kire qaqtı häm Abxaz citäkçelegen cämğiättä tınğısızlıqnı köçäytüdä ğäyepläde.

Audio

"Minemçä, Ardzinbanıñ belderüe vatandaşlar suğışına çaqıru bulıp tora. Bez saylaularda ciñdek häm bezneñ eşlärebez qanuni, namuslı häm döres ide. Üzäk Saylau Komissisäenne qararı da realistik. Ul berençe märtäbä xäqiqätne äytte. Bez tauışlarnıñ 100 protsentın alğan bulsa idek tä, prezident häm anıñ möhite saylaularnıñ qanunilegen şik astına quyarğa tırışır ide. Säbäbe bik ğadi, alar xakimiättän kitärgä, Abxaziädä tärtip urnaştıraçaq yaña citkçelekneñ kilüen telämilär."

Ardzinba yaqlağan kandidat elekke premier Raul Xacimba saylaularda xärämläşülär buldı digän ğäyeplävlären qabatlıy häm saylaularnıñ yañadan ütkörelüen taläp itä. Anıñ süzlärençä, iñ zur xärämläşülär Gali regionında bulğan. Anda 1992-nçe-93-nçe yılda bulğan häm Abxaziäneñ de fakto bäysezlegenä kitergän suğıştan soñ qaytqan meñärlägän görce yäşi. Xacimba Abxaz Yuğarı mäxkämäsenä öç şikayät tapşırdı. Alarnıñ berse Üzäk Saylau Komissiäseneñ Bagapşnı ciñüçe dip iğlan itüenä qarıy. Premier minister Nodar Xaşba Sişämbedä mäxkämä qarar birmiçä torıp, Üzäk Saylau Komissisäseneñ qararı köçkä kerä almıy dip belderde. Yuğarı Mäxkämäneñ qayçan qarar qabul itäçäge äle bilgesez. Anıñ qararınnan saylaularnıñ näticäse genä tügel, ä Abxaziädäge politik totnaqlıq ta bäyle bulaçaq. Bagapş mäkämäneñ Üzäk Saylau Komissiäseneñ qararın üzgärtäçägenä ışanmıy. İñ tiskäre digändä dä tik Galidäge saylaularnı ğına yañadan ütkärüne taläp itä ala digän fikerdä. Gärçä, Abxaziä konstitutsiäse öleşçä yaña saylaular ütkärüne tıysa da, Parlament ğädättäntış xällärdä moña röxsät itkän qarar qabul itte. Bagapş üzeneñ ängämsendä citäkçelekneñ üzenä quyğan informatsiä blokadasına qarşı toru öçen Suxumidä Pänceşämbedä miting oyıştırğanın da xäbär itte. Görcstanğa kilgändä, küplär Kreml yaqlı Xacimbağa qarağanda urta qullı millätçe Bagapş belän eş itü ciñeleräk bulaçaq dip uylıylar. Läkin, Bagapş radiobız xezmätkärenä birgän ängämäsendä Abxaziäneñ kiläse citäkçese bulğan xäldä Russiä belän tağı da nığıraq mönäsäbät urnaştıraçağın äytte.

Audio

"Bezneñ öçen Russiä belän mönäsäbätlär berençel ähämiätkä iä. Bez üz tarixıbızda iñ qarañğı mizgeldä höm suverenlığıbızmı alğanda, Russiä bezneñ yağıbızda ide. Görcstannı Gali regionınnan ayırğan İnguri yılğasında Russiäneñ tınıçlıq saqlau köçläre tora. Bügenge köndä Abxaziägä yardäm itüçe berdän ber il- Russiä federatsiäse. Şul säbäple bez Mäskäv belän mönäsäbätlärne nığıtunı dävam itäçäkbez."

Russiädä häm Görcstanda qayberävlär Xacimbanıñ saylaularnıñ berençe turında saylana almauına Mäskävneñ zur ciñelüe dip qarıylar. Russiä Abxaziädäge täräqqiätkä qarata älegä kötep toru pozitsiäsendä tora.

Färit İdelle, Praga.
XS
SM
MD
LG