Accessibility links

якшәмбе, 11 декабрь 2016, Казан вакыты 07:15

Bağdadnıñ yaxşı saqlanğan yäşel zonasında ike şartlaw buldı


Kimendä 7 keşeneñ ülüe turında xäbär itelä. Yäşel Zona AQŞnıñ häm Ğiraq xökümäteneñ möhim binaları urnaşqan. Ğisyançılar biregä yış höcüm itä. Bu höcümnär öçen cawaplılıqnı Täwhid wä Cihad suğışçan törkeme üz östenä alıp alarnı bezneñ 2 intixarçıbız başqardı dide. Bügen Bağdadta yulğa quyılğan bomba şartlawdan ber amerikan soldatı ülde, ikäw yaralandı. Ğiraq politsiäse äytüençä, bügen Bağdadta häm Baqubada berniçä urında 5 keşe atıp üterelgän. Alar arasında 2 armiä ofitserı, ber xäkim, ber xatın qız jurnalist bar. Politsiä şulay uq Sämärrä şähäre yanında qorallı keşelärneñ 2 törek häm 2 ğiraqlı maşina yörtüçene totıq itep aluı turında belderä. Ğiyançılar çit il maşina yörtüçeläre AQŞ citäkçelärendäge köçlärne tä'min itügä öleş kertä dip alarğa yış höcüm itä.

XS
SM
MD
LG